• Breaking News

    US-in India hnenah defence system thar a sawi hmuh

    US chuan India hnenah Russia siam defence system, S-400 aia \ha pek a duh a, a sawipui mek.

    India hian missile system, S-400 hi cheng vaibelchhe 40,000 zet sengin a lei a. Hei hi US chuan sawiselin, India chu Russia hnen a\anga lei lo turin a hriattir a, mahse, India hian US thusawi a ngaipawimawh lo a ni.

    India-in he missile system a leina atana pawisa a pek lai vel hian US chuan Russia ram hrekin, ram dangin \anpui lo se a duh thu a sawi a, mahse, India chuan a tilui tho a ni.

    US official, Assistant Defence Secretary for Indo-Pacific Security Affairs ni lai Randall Schriver chuan, “India-in thutlukna \ha zawk a siam ngei kan ring a. Tunah hian S-400 thlakna tur hi kan hnen a\anga a lei theih ngei ka ring a ni,” tiin Congressional hearing-ah a sawi a ni.

    Congress-men-te chuan hetianga India-in US ngenna leh hriattirna ngai-pawimawh lo va Russia a dawr lui chu US chuan a hrem dawn em tih zawhna an zawt a, Schriver chuan India-in S-400 hi a lei zui zel a nih chuan vanduaithlak tak a ni ang tih a sawi a. “CAATSA kan nei sa a, chu chu sawi ngai lo a ni,” a ti a. CAATSA hi Russia hnen a\anga venhimna hmanrua leh ralthuam lian tham US phalna lova lei khapna a ni a. Schriver chuan, “CAATSA hi India hremna atana siam a ni lo va, Russia hrekna atana siam a ni zawk. India hi kan thawhpui ram lian chho zel tur a ni a. Fel tak len inrem takin kan awm zui zel theih kan beisei a ni,” tiin a sawi bawk.

    No comments

    Post Top Ad

    Post Bottom Ad