• Breaking News

    US actor Luke Perry a boral

    US actor Luke Perry chu stroke avanga a bawk sawp hnu kar khat pawh tling lovah, California-ah a thi. Kum 52-a upa a ni.

    A thu puangtu chuan Perry hi a chhungkhat leh a \hianten an awmpui laiin, thlamuang takin a thi niin a puang.

    Perry hi Beverly Hills, 90210 film avangin khaw-velin a hmel hriat \an a. CW show Riverdale-ah khan Fred Andrews lemah thiam takin a chang bawk.

    Kar hmasa Nilaini khan Los Angeles-a dam-dawiinah dah luh a ni a. He damdawiin hi Riverdale film a chan laiin damdawiin awm lai lem a chan laiin shooting neih nan a lo hmang tawh a ni.

    A thih lai hian a fate - Jack leh Sophie-te bakah a bialnu Wendy Madison Bauer, a nupui hlui Minnie Sharp, a nu Ann Bennett, a pahrawn Steve Bennet leh a unau Tom Perry leh Amy Coder-te chu a bulah an awm niin a thu puangtu Arnold Robinson chuan a sawi a ni.

    Perry thih thu an hriat hian Riverdale chuan an show zawng zawng an chawlhtir rih thu an puang nghal a. CW network leh WBRV producer-te chuan Perry chu Riverdale, War-ner Bros leh CW chhung-kaw mi leh sa a nih thu an sawi a. “Luke hi kan beisei ang chiah mihring a ni a. Rilru \ha leh mite hriatthiam na ngah mi a ni. Luke-te chhungkua kan tawrhpui takzet a ni,” an ti.

    Kar hmasa Nilaini khan US media-te chuan Los Angeles-a Perry chenna, Sherman Oaks-ah hian damdawi thiam koh an nih thu an sawi tawh a ni.

    Perry hi Ohio-a piang niin, 1990 a\anga 2000 thleng khan Beverley Hills 90210-ah a chang a. Tun hnai khan he film hi siam thar leh an tum a, mahse, Perry hi a tel ve dawn em tih sawi a ni lo.

    90210 a a chanpui, he film-a a bialnu lema chang Shanne Doherty chuan stroke vanga a bawh sawp hnu pawh khan a kan tih a sawi a. “A chanchin hi sawi pawh ka sawi thei lo. Ka mittui a tla a, ka \ap nghal zel a ni mai. Ka hmangaih a, ani pawhin ka hmangaih tih a hria. Luke hi ka tan chuan pa \ha ber a ni,” a ti.

    Perry hi a tlangval lai chuan tlangval hmel \ha ber zinga mi niin, a lemchan pawh a lar hle a. TV show pakhat Oz-ah pawh a chang a. Buffy the Vampire Slayer, 8 Seconds leh The Fifth Element-ah te pawh a chan gbawk a. Film-a a inlan hnuhnun ber chu Riverdale drama series, Archie comic behchhana siamah a ni a, a changtupa pa lemah a chang a ni.

    No comments

    Post Top Ad

    Post Bottom Ad