• Breaking News

    UK-ah BTS an hit rem rem; Minute 90 chhungin ticket an hralh zo

    K-Pop band BTS chuan Wembley stadium-a concert an neih tur ticket chu minute 90 chhungin an hralh zo vek!

    South Korean boy band BTS ((aka the Bangtan Boys) te hi London khawpuia stadium lian leh zau em em mai Wembley-ah hian kumin June ni 1 hian concert neih an tum a. Hemi atana ticket hi Zirtawpni zing a\ang khan an zuar chhuak a. An zawrh chhuah a\anga minute 90 chhungin an hralh zo nghal vek a nih chu!

    Wembley stadium-ah hian mi sing kua an leng a. Ticket sing kua, darkar khat leh a chanve chhunga hralh zawh vek hi chu a turu rem rem hle a ni.

    BTS fans, anmahni chuan ‘The Army’ intite chuan BTS hi Asian artist hrim hrim, mi mal leh group pawh ni se Wembley-a ticket an siam zawng zawng hralh zo vek thei hmasa ber an ni an ti a. Mahse, hei hi finfiahna a awm chiah lo.

    Eng pawh ni se, BTS hian khawvela zai thiam lar, Superstar tling - Michael Jackson, Madonna, Beyonce, One Direction, Taylor Swift, Queen leh Ed Sheehan-te hnung an rawn zui a, football stadium-a ticket hralh zo vek an rawn ni ve ta a. Nikum khan London O2 Arena-ah show vawi hnih an nei a, tah khan ticket an hralh zo nghal ve ve a. Mahse, mi sing kua lenna stadium atan ticket an hralh zo vek pawh a ni satliah lo va, darkar khat leh a chanve chhunga an hralh zo vek thei hi turu buru tak a ni!

    No comments

    Post Top Ad

    Post Bottom Ad