• Breaking News

    Tunlaia film langsar deuh te

    Tunlaia Hollywood film langsar zingah Tyler Perry film A Madea Family Funeral chu box office-ah a che \ha hle a. He film hi kum 15 chhung a inzawm chhova an chana a tawpna ber tura sawi a ni a. Kar tawpah khan tihchhuah a ni a, dollar maktaduai 25 a hmu chhuak nghal a, beisei aiin a che \ha.

    Madea film hi 11 zet an siamna a ni a. Lionsgate leh Perry-te hi an thawkho char char a, khawvel pum-ah dollar tluklehdingawn khat aia tam sum an hai lut tawh a ni.

    Hetih lai hian tun laia film langsar ber pawl chu How to Train Your Dragon: The Hidden World hi a ni ang. He film hi DreamWorks Animation leh Universal-te siam niin, a kar hnihna tawpah dollar maktaduai 30 a hmu chhuak a, tunah hian he film hian US-ah dollar makta-duai 97.9 a hmu chhuak tawh. Hit tak a ni.

    How to Train Your Dragon 3 film hi ram dangah pawh a hit hle a, US pawn lama a sum hmuh belh khawm hi dollar maktaduai 277.7 a ni tawh a, chhungkaw kima en theih a nihna hi a lar zualna a ni awm e.

    Hemi bakah hian James Cameron-a produce Alita: Battle Angel pawh a che \ha a, North America-ah maktaduai 72.2 a hmu chhuak tawh a. Ram dangah dollar maktaduai 40.4 a hmu tawh bawk a, China ramah bik dollar maktaduai 112.1 a hmu chhuak tawh bawk a. Dollar maktaduai 400 hmu chhuak turin a duh hnem tawh vak lo.

    No comments

    Post Top Ad

    Post Bottom Ad