• Breaking News

    Thlatin atan Rs. 74000/-, Pawisa pe, Hmeichhe Khawmpui lian, Council of Ministers, etc.

    Thlatin  atan  Rs.  74000/-

    Nimin khan SDO (C) Conference Hall-ah Bawlhhlawh paih tur Tender koh chhanna hawn a ni a, Tender chhangtu hi Mi 4 an awm a, Route - I (VC-III Area) ah H. Lalfakzuala thlan a ni a, Route - II (VC-II leh Bualpui VC Area) ah P.C. Vanlalhriata thlan niin Route - III (VC-I Area)-ah Hmingthangfela thlan a ni.
        Tender chhanna hawn a nih hnu hian Sanitation Committee neih zui nghal a ni a, Bawlhhlawh paih nan hian thla tin Rs. 74000/- mamawh a ni a, chumi atan chuan veng tinah Budget siam nghal a ni. Vengthar (In 160)-ah Rs. 10140/-, Banglaveng (In 200)-ah Rs. 7800/-, Kanan (In 40)-ah Rs. 1560/-, Venglai (In 416)-ah Rs. 16230/-, Hmarveng (In 348)-ah Rs. 13580/-, Chhim-veng (In 334)-ah Rs. 13030/- leh Bualpui (In 309)-ah Rs. 12050/- Budget siam a ni. Heti hian In 1907-ah Rs. 74390/- hmuh beisei a ni a, heng Budget te hi thlatin ni 5 ral hmain SDO (C)-ah thehluh thin tur a ni. Tun thla bikah chuan Dt. 27.3.2019 hmain thehluh tur a ni.
        Meeting-ah hian Sanitation Point awm lohna Bualpui chu Point lo siam tura hriattir an ni.


    Sanitation Comt-ah Pawisa pe
    Khawtlang hnatlang phatna tling-khawm Hmarveng lam ami Rs. 8650/- chu VC-I chuan Hmarveng Sanitation kutah an hlan a, Venglai lama tlingkhawm Rs. 9850/- pawh Venglai Sanitation kutah an hlan bawk.


    Hmeichhe  Khawmpui  lian
    Pandal chhung
     Kolasib Diakkawn Field-a neih tur Mizoram Presbyterian Kohhran Hmeichhe Khawmpui lian chu vawiin atangin \an a ni dawn ta. Kolasib Khawpui chhung Pastor Bial pathumin khawmpui hi an thleng dawn a, Kolasib Diakkawn Field-ah Pandal Fit 260/190 a lian, mi sing 11,200 len theihna tur thutna rem a ni a, Dawhsan-ah mi 200 thut theihna tur ruahman a ni bawk. Nizan khan Pandal hlanna inkhawm neih a ni.


    Minister dawr hun
    Council of Ministers thukhawmin a rel angin Minister te an Pisa-a kawm theih hun chhung chu zing dar 10:00 - 12:00 inkar chhung a ni ang tih Sawrkar thuchhuah chuan a sawi. Thudawnna chuan Minister te hian an Deptt enkawlte leh Deptt Officers te nena sawrkar thil khawih hun an neih tam a pawimawh a ni a ti.


    Hming  thlak
    Aizawl-a New Secretariat Complex tih mek chu Council of Ministers thukhawm chuan Feb thla tawp atanga hman turin Mizoram New Capital Complex (MINECO) tiin a thlak. New Capital Complex hi Minister leh Sawrkar Officer lian te Pisa kaina hmun atana hman mek a ni.


    Training
    Vawiin hian MP (Lok Shaba) inthlan lo awm tur atana inpuahchah nan FST, SST leh VVT te chuan IPRO Conference Hall-ah training an nei ang.


    Dam  lai  hming  vuah  khap
    Mizoram Sawrkar chuan Sawrkar Building, Kalkawng leh Vantlang hmun te chu mihring dam lai hming chawia phuah leh vuah a khap. He khapna hi Mizoram chhungah hman nghal tur a ni ang.


    Dam  lai  hming  vuah  khap
    Mizoram Sawrkar chuan Sawrkar Building, Kalkawng leh Vantlang hmun te chu mihring dam lai hming chawia phuah leh vuah a khap. He khapna hi Mizoram chhungah hman nghal tur a ni ang.


    Dry  Days
    Kolasib Bawrhsap Zoengsanga chuan Mizoram Presbyterian Kohhran Hmeichhe Khawmpui lian denchhen-in March 7 atanga March 9, 2019 chhung hian Section 12 tlawhchhanin Dry Days a puang.


    UNO-ah  thlen
    PRISM Party chuan thuchhuah siamin UNO Special Rapporteur hnenah CAB 16 chungchang an thlen. Mizorama ram neitu Mizo hnahthlak te chim-ralna kawng hawnna tur nia an ngaih thu an sawi.

    No comments

    Post Top Ad

    Post Bottom Ad