• Breaking News

    Thingdawl-ah World TB Day hmang

    Nimin khan Revised National TB Control Programme (RNTCP), Kolasib District TB Center huaihawtin Nursing School, Thingdawl-ah World TB Day pualin hun hman a ni a. Dr. Lalhlimpuia Sailo, CMO Kolasib chuan khuallian niin a hmanpui.

    He hun Nursing School Principal Lal\anpuii kaihhruaiah hian Khuallian chuan thu sawiin, TB  natna hi boruaka hri leng thihpui tam ber a ni a, hemi a nih avangin  India ram pawhin  kum 1962 a\angin TB dona hi   kalpui  tawhin Mizo -ram ah pawh TB hi natna tlanglawn anih avangin kan do a ngaih thu  a sawi a. Mihring taksaah hian TB thlentu bacteria hrik a awm sa vek a, kan taksa natna dotu a chak \hat loh chuan a lo inlar chhuak \hin tih sawiin, TB natna pumpelh turin mahni hriselna uluk a, inenkawl \hat a pawimawh tih a sawi.

    CMO chuan TB natna chu tu pawhin kan vei theih, a hrik pawh kan pai reng a nih avangin TB veite thinhrik chin loh tur a ni tiin, a veite'n damdawi an ei \hat chuan dam hma em em, an ei \hat loh chuan thihpui theih a nih avangin mipuiah zau zawka inzirtir a la ngai tih a sawi bawk.

    Dr. RK Lalthlamuana, DTO Kolasib chuan powerpoint presentation neiin TB natna chung-chang leh a um bo nana tan rual pawimawhzia sawiin, Kola-sib District dinhmun report a pe bawk. Nikum 2018 chhung khan khak an test 1106 a\angin 196 chu TB vei anni tih hmuh-chhuah niin an ni bakah hian treatment la lai mi 35 TB vei enkawl lai mi 231 an awm a. Kum 2012 a\anga nimin thleng khan MDR-TB vei mi 38 enkawl tawhin, tun dinhmunah enkawl lai mi 12 an awm a, dam tawh 18 awmin mi 5 nunna chan an awm tawh a. Mizoram pumah kum 2018 chhung khan TB vei 2499 hmuhchhuah niin, MDR-TB vei 96 an awm bawk a ni.

    No comments

    Post Top Ad

    Post Bottom Ad