• Breaking News

    Taylor Swift-i in rawk tum an man

    Manhattan, New York-a Taylor Swift-i chenna in chu mi pakhatin  rawk tumin a lut ru a, police-ten an man. Kuminah a vawi hnihna a ni.

    Taylor Swift-i in luh ruk tumtu hi Ricardo Alvarado niin, kum 23 mi a ni a. Rukruk leh suah-sualna thil tih tum thubuai siamsak a ni.

    Alvarado hian zing lam dar 2:45-ah Swift-i in hi darthlalang tikehin luh ruk a tum lai police-te chuan an man a. Hetih lai hian Swift-i hi inah a awm lo a ni.

    Nikum April thla khan Alvarado hi Swift-i inah hian leilawn dawhin a lo lut ru tawh tawh bawk a. Hemi \um phei hi chuan Swift-i inah hian inti neitu takin a lo awm a, shower a on a, a lo inbual a, chumi zawhah khumah a lo mu veng veng a ni awm e!

    Nikum February thla khan Alvarado hi Swift-i in hi suahdur hmanga a kawngkhar tihchhiat a, luh ruk a tum lai man a lo ni tawh bawk.

    Nikum December thla khan Alvarado hi court-ah thiam loh chantir a ni a. A rilru lam a chiang lo deuha hriain rilru lam doctor-te enkalw tura tih a ni.

    Swift hian zuitu eng emaw zat chu a nei tih a chiang reng a. Nikum May thla pawh khan kum 29 a upa Mohammed Jaffar chuan a in rawk a tum a, a chenna in kawngkhar a tihchhiat hnuah engmah a ruk hmain man a ni a, thla ruk chhung tanina tang tura tih a lo ni tawh bawk.

    Swift hian tunkar Elle Magazine-ah zuitu a ngah thu leh a chhe ber thleng thei a nih avangin a inbuatsaih lawk thu a sawi.

    No comments

    Post Top Ad

    Post Bottom Ad