• Breaking News

    Subramanian Swamy Chowkidar a ni ve thei lo

    BJP hruaitu, eng emaw hleka sawi lo nei ve ziah hman, BJP ni lo tana ngeiawm tak Subramanian Swamy chu tun hnaiah BJP party hruaituten campaign nana an hman ‘Chowkidar’ tih chu a hming hmaah a dah ve theih loh thu sawiin, inhnialna a tichhuak nghal.

    Swamy hi tun hnaiah Tamil TV news channel - Thanthi TV-in an kawmna-ah, Brahmin a nih avangin Chowkidar a nih ve theih loh thu a sawi hmiah mai.

    Swamy chuan, “Chow-kidar ka ni lo. Brahmin ka ni a, chowkidar ka ni ve thei lo hrim hrim. Hemi chungchanga ka ngaihdan hi ka sawi chhuah a ngai. Chowkidar chuan chowki-dar hna a thawk mai tur a ni,” a ti hmiah mai.

    BJP hruaitu langsar tak takte chuan social media-a an profile name hma lamah 'Chowkidar' tih an dah a. Hei hi Lok Sabha inthlan lo awm leh tura BJP campaign-na chi khat a ni a. Tunah hian party leader senior - BJP president Amit Shah leh Union Minister Piyush Goyal-te thlengin an hming hma lamah Chowkidar dahin, 'Chowkidar Amit Shah' leh 'Chowkidar Piyush Goyal' te an ni tawh a. Mahse, Swamy hi chuan a dah ve duh tlat lo a ni.

    Prime Minister Narendra Modi chuan he chowkidar campaign hi \anin, a Twitter account-ah  Chowkidar Narendra Modi tih a hmang a. Chumi hnuah 'Mai Bhi Chowki-dar' tih hmangin video a post bawk a. Hei hi Cong-ress- hovin 'chowkidar chor hai' (Venghimtu ber rukru a ni e) tih campaign an neih beih letna atana PM Modi-a’n a hman avangin Mizoram BJP hruaitu \henkhat pawhin social media-ah an hmang ve mek a ni.

    No comments

    Post Top Ad

    Post Bottom Ad