• Breaking News

    SKM leh BJP thawkho dawn

    BJP national general secretary
    Bhartiya Janata Party (BJP) chuan India ram state hrang hrangah an thla an zar pharh zau zel a. Sikkim Krantikari Morcha (SKM) nen Sikkim state Assembly inthlan lo awm turah thawhho an tum.

    BJP national general secretary Ram Madhav, Northeast in-charge chuan SKM-te nena an thawhho chungchang hi New Delhi-ah a puang a. Thawhhona nei tur hian SKM President PS Golay nen vawi hnih an inbia tih a sawi a ni.

    Madhav chuan, “Sik-kim Krantikari Morcha hi Sikkim-a eptu party lian ber a ni a. SKM party Presi-dent leh MLA-te chu Delhi-ah rawn kalin, BJP President Amit Shah an rawn hmu a. State party leader-te nen inkawmna hun neih leh a ni a, Sikkim inthlanpui lo awm tura BJP leh SKM thawhhona tur kan peih fel a ni,” a ti.

    Madhav chuan SKM leh BJP chuan Sikkim inthlan lo awm tur chu an chuh dun dawn tih sawiin, seat insem dan tur kim chang pawh duan fel thuai a ni ang tih a sawi bawk.

    Kar hmasa khan Golay leh MLA pahnihte chuan Amit Shah hi an kawm a, hetah hian Madhav pawh a tel a ni.

    Hetihlai hian SKM chuan BJP nena thawhho -na hi an la tifel lo niin an sawi ve thung a. BJP chuan SKM thil phut an la pawm kim thei lo niin an sawi.

    No comments

    Post Top Ad

    Post Bottom Ad