• Breaking News

    Shatrughan Sinha Congress-ah

    Hun rei tak chhung an lo sawi rik feih feih tawh, BJP a\anga Lok Sabha MP ni chunga hel deuh reng, BJP hruaitu, India rama lemchan thiam langsar ni \hin Shatrughan Sinha chuan nimin khan Congress President Rahul Gandhi chu New Delhi-ah a hmu a, hun rei lo teah Congress party a zawm tura ngaih a ni ta.

    Amah pawhin hei hi  zep lo va. Rahul-a nena an inkawm zawh hnuah reporter-te kawmin, hun rei lo teah Congress a zawm dawn tih a sawi a. “Inzawm -na a awm thuai dawn. Kan hrilh chiang thuai ang che u, Congress ka zawm thuai dawn,” a ti hmiah mai.

    Hemi bakah hian Cong-ress hruaitu Shaktisinh Gohil chuan Shatrughan Sinha chuan Congress chu April ni 6-ah a zawm dawn tih a sawi a. “BJP MP Shatrughan Sinha chuan kan Congress President Rahul Gandhi chu vawiin khan a hmu a, ram hma-ngaihna avangin Congress a zawm ta a ni. Official takin April ni 6-ah Congress a zawm dawn a ni,” a ti.

    Nilaini khan Bihar Cong -ress election campaign committee chairman Akhilesh Prasad Singh chuan Shatrughan Sinha’n  Congress a zawm tur thu hi a lo sawi lawk tawh a, Congress chuan Patna Sahib-ah an dintir dawn niin a lo sawi tawh a ni.

    No comments

    Post Top Ad

    Post Bottom Ad