• Breaking News

    Seattle-a inkahna thlengah mi pahnih thiin, mi dang pahnihin hliam an tuar

    Nilaini tlai (Keini tan Ningani zing) khan Seattle khawpuiah silai keng pakhat chuan lirthei a hmuh apiang kapin, mi pahnih a kap hlum a, mi dang pahnih pawhin hliam na tak an tuar bawk a. Silai chelektu hi police-te chuan an man.

    He thil thlen hun hi keini tan nimin, anni tana tlai lam dar 4 vel a ni a. Seattle-a bus stop bul, 120th and Sand Point Way NE an tih hmunah a ni a, lirtheia chuan tum mipui an tam vanglai tak a ni nghe nghe.

    A hmasa berah silai kengtu hian lirthei pakhat kal chilhin, a khalhtu hmeichhia chu a kap pawp a, ani hi thi lovin, a dinhmun erawh a \ha lo hle a. Hemi hnu hian kawngpuiah kalin, Metro bus leh Prius car lo awmte chu a kap leh a. Car khalhtu hi a hmunah a thi nghal a, bus khalhtu erawh hi chuan hliam a tuar a, a thi lo thung a. Bus-ah hian mi 12 chuangin, an vai hian hliam an tuar lo hlauh thung a ni.

    Police an rawn lang a, silai keng hian Prius car-ah chuan chuangin tlan chhiat a tum a, mahse, lirthei dang nen an insu a, he lirthei khalhtu hi a thi leh a, pawi khawihtu ber hi police-te chuan an man theih phah ta thung a. Hliam na vak lo a tuar a, damdawiinah dah mek a ni bawk.

    No comments

    Post Top Ad

    Post Bottom Ad