• Breaking News

    SE-in kawng en dawn, Khaw 3 tel, Kawngdung enfiah, SHG...

    SE-in  Kawng  en  dawn
    PWD Superintending Engineer (SE), NHC-I Pu C. Lalchhuana chuan vawiin hian Buichali to Kawnpui inkar kawng siam mek a hmunah kalin a en dawn.
        Village Council - III, Kawnpui chuan nimin khan SE hi an hmu a, Sairang kawng siam mek chak zawk hna thawh a nih theih nan an sawipui a ni. Pu H. Lalfakzuala, VCP hnen atanga ka thudawn danin SE chuan Buichali to Khamrang bik khawih turin Contractor ngai bawk ruat a ni a, Dept. lam chuan kan duh lova, a dang thawk turin lehkha kan ziak a, CE te Ninganiah an lo hawng ang a, an approved ang a, hna tunkarah an tan hman a beisei thu a sawi a.
        Khamrang to Kawnpui erawh sum pek chhuah a nih tawh avangin Contractor ngai bawk a thawh a ngai a, chak zawka an thawh theih nan Ningani-ah CE te nen an sawiho tur thu a sawi bawk a ni.
        National Highway Circle - I SE Pu C. Lalchhuana hian naktuk hian NH-154 Bilkhawthlir - Kolasib leh Kawnpui - Kolasib inkar kawng siam mek pawh a en dawn a ni.


    Mizoram  khaw  3  tel
    Faina kawnga India ramin hma a sawn zual theihnan a kum tin faina kawnga inelna thianghlim ‘Swachh Survekshan’ ah kumin hian Mizoram khua pathumin lawmman an dawng. Mizoram Khawpui te (small city) zingah Champhai in ‘Cleanest City’ Award a dawng a, Lunglei in ‘Best City in Innovation & Best Practices’ award leh Vairengte in ‘Best City in Solid Waste Management’ Award an dawng a ni. He lawmman semna hi nimin khan Vigyan Bhavan, New Delhi ah neih a ni.


    Khawpui  chhung  kawngdung  enfiah
    Kolasib khawchhungah kawngpui dala bungraw dah a awm leh awm loh enfiahin thuneituten khawpui chhung an fangkual.
        Pu V Laldinsanga, SDO(S) hnen atanga kan palai thudawn danin tun tuma kalchhuakte hi 'Road Encroachment Committee' pangngai chiah an la ni lova, tunkar Zirtawpni atanga tan tur Zoram pum huap Kohhran Hmeichhe Inkhawmpui Lian inbuatsaihna atan kawngpui dung te enfiah an ni a, Kolasib hmar lamah ATS Petrol Pump atanga tanin chhim lam Hmarveng, Saidan leh Silchar Road lam pawh an enfiah nghal a ni. SDO(S) chuan hmun ruk velah kawngpui sira insakna bungrua heng - balu, rawra, brick leh motor hlui dah an hmuhte chu thianfai turin a neitute an hrilh tih a sawi a, Inkhawmpuilian neihna tur pandal pawh an tlawh nghal bawk.
        Hemi chungchangah hian Kolasib Bawrhsap Pu Zoengsanga chuan Kolasib chanchinbu mite a kawmnaah kawngpui tibuai zawnga In sak leh bungraw dahte (road encroachment) a ngaimawh thu a sawi a, hengte hi remchangah mediate nen tlawhkualin a tul anga action lak pawh \ha a tih thu a sawi.
        Khawpui chhung kawngpui tlawhkualtute hi SDO(S) Pu V Laldinsanga chuan a hova, SDPO Pu C Lalmalsawma, DUDO Pi PC Zonuntluangi, DTO H Lalhmingliana leh Jt VC Chairman Pu RK Kunga te an tel.


    Self-Help  Group
    March 8, 2019 PM Modi chuan Varanasi, Uttar Pradesh-ah Exibition visit neiin SHG te kawmna hun a nei ang. Dar 10:20am hian Doordharshan ah live-a tichhuah a ni ang a. Hei hi Thingdawl RD Block MzSRLM hnuaia SHG ten VO Office-ah emaw Hall-ah a huhova lo en ve turin an inhriattir a ni.

    No comments

    Post Top Ad

    Post Bottom Ad