• Breaking News

    Rock singer zinga ngainat hlawh ber pawl - Scott Walker a thi

    Mihringte hi dam hlen tura siam kan nih miau loh avangin Rock history-a zunzam ngah ber pawla sawi Scott Walker pawh a dam reng thei bik lo va, kum 76 mi niin a thi ve ta nge nge.

    US star hi The Walker Brothers tiin a rawn lar a, US tleirawl leh rawltharte star rawn a rawn ni chho va. A hla hit hmasa te chu  The Sun Ain't Gonna Shine Anymore leh Make It Easy On Yourself-te an ni a. Mahse, a zai zel a, a aw hniam pa chher chhawr leh mawi lungrun tak mai hmangin upa lam pawh a hneh chho zel a. A solo album hmasaah hmangaih-na, mipat hmeichhiatna leh thihna chungchang a rawn phuah chhuah chhoh avang -in a lar zual hle.

    Walker-a thih thu hi tuna record label a thawhpui mek 4AD chuan an puang a. 4AD chuan, “Khawvela creative music -a pa hriam ber zinga mi,’ tiin an sawi a. Amah uituten social media lamah an ui thu an post nghal sup sup a ni.

    Radiohead member Thom Yorke chuan Walker chu Radiohead leh amah ngei pawh rimawi lama fuihtu a ni tih sawiin, “Ka aw hman dan leh hla thu lamdan pawh amah avang hian ka uluk phah em em a ni,” a ti.

    Noel Scott Engel tih chu Walker-a hming dik tak a ni a. Kum 1943 khan Ohio-ah a piang a. A tirah chuan lemchan lamah a kal phawt a. Mahse, John Maus leh Gary Leeds-te nen Walker Brothers bandh an din ta daih a. US-ah bul an \an a, mahse, an lar hleihtheih loh avangin England lamah an insawn a. Hetah hian nasa takin \halai lamin an bawr a. Number one hit - Make It Easy On Yourself leh The Sun Ain't Gonna Shine Anymore-te an rawn nei chho va. An lar vanglai chuan Beatles-te nen pawh tehkhin hial an ni a. An kalna lam apiangah \halaiten \e tuarh tuarhin an lo chhawn \hin a ni an ti.

    An lar vanglai tak, 1967 khan Walker chuan an band a chhuahsan a. A kalna apianga \halaiten an lawm em em a ni chungin zai lam a chawlhsan a, Isle of Wight-a sakhaw lama inserh hrangte awmnaah a lut daih a ni.

    Hun rei tak chhung rimawi a khawih lo va, mahse, a hnuah a bialnu Jacques Brel chuan hla mawi leh lungkuai tak tak phuahin Walker hi rimawi huangah a hnuk lut leh a. Amahin a zai chho ta a. A solo album - Scott to Scott 4, juxtaposed lush, orchestral pop with dark existentialism-te chu a lar hle a. Mahse, heng a hlaah te hian mi subject khawih loh lam, nawhchizawrh te, dan leh hrai chungchang te, Joseph Stalin-a hming te thlengin a lam ri a. Musician Brian Eno chuan, “Rimawi huangah seng luh ve ngai loh thil tam tak a seng lut a ni,” a ti.

    1970 a\anga 1980 chhovah pawh a la lar hle zel a, 1990-ah pawh khan album a la tichhuak a ni.

    No comments

    Post Top Ad

    Post Bottom Ad