• Breaking News

    Rijiju hausakna a pung nasa

    Union Minister Kiren Rijiju chu kum 2014 inthlan dawn khan a hausakna, khawih chet theih loh thil hlu a neihte chu cheng nuai 9.5 hu chauh a nih laiin, kuminah chuan cheng nuai 49 hu a nei daih tawh.

    Rijiju hian Arunachal West Lok Sabha inthlanah chuh turin hming a pe lut a, hetah hian a hausakna a puan chhuahah chuan khawih chet theih loh thil hlui a neihte zinga nuai 25 hu chu a neih chawp a ni a, nuai 24 hu chu a rochun a nih thu a sawi.

    Khawih chet theih thil hlu a neih hi kum 2014 inthlan dawn khan cheng nuai 46.55 hu a ni a, kumin -ah hian cheng nuai 56.48 ah a pung chho bawk a. A nupui hausakna - cheng nuai 68.32 ni \hin chu cheng nuai 40.89 ah a tlahniam ve thung.

    Rijiju hian car loan a lak thu, kum 2014 khan affidavit-ah a ziak naa, tun dinhmunah lirthei a neih loh thu a sawi a. Kum 2014 khan lirthei pathum an nei a, pahnih chu a nupui ta a ni tih a sawi thung a. Kuminah hian an nupaa car an neih thu hi a affidavit-ah a lang lo a ni.

    Rijiju affidavit a\anga a lan danin, kum khatah Rs 6,12,000 a la lut a, a nupuiin Rs 12,03,467 a la  lut thung a ni.

    Rijiju hian 1995 khan Hansraj College a\angin degree a nei a, 1998-ah Delhi University a\angin law degree a nei leh a, Union Minister ni lai a ni.

    No comments

    Post Top Ad

    Post Bottom Ad