• Breaking News

    Ralthuam vaibelchhe 2325 man lei dawn

    Defence Ministry chuan ralthuam leinan cheng vaibelchhe 2325 zet an pawm a. Heng ralthuam lei tur zingah hian multimode grenades leh indo lawng - Teg, Talwar leh Saryu class-a fire control systems  leina turte pawh a tel.

    Defence Acquisition Council meeting-ah hemi chungchang hi sawiin, India siam hand grenade pawh nuai 10 lai lei ni se tih an sawi a. Hei hi Made In India scheme hnuaia lei a ni dawn a. Heng grenade tharte hian India sipaiten grenade an hman lai chu thlak vek a ni ang.

    India chuan tun hnaiah sipaite ralthuam ken leh anmahni pawh nasa taka thuam tharin, ralthuam pawh a thar leh changkang zawkin a thuam zel a. Defence Minister Nirmala Sitharaman hova meeting-ah hian kum lo awm leh tur atana ralthuam leina turin project hrang hrang atan cheng vaibelchhe 25000 zet hu tender tihchhuah tur chungchang pawh an sawi nghal bawk a. Sorkar chuan assault rifle pawh lei belh tumin hma a la mek niin sawi a ni bawk.

    No comments

    Post Top Ad

    Post Bottom Ad