• Breaking News

    Rajiv-a thattu chhuah tum

    Mizo Peace Accord signed a nih hnu
    Rajiv leh Sonia Gandhi @Aizawl on July 11, 1986

    India rama political party lian pahnih - All India Anna Dravida Munnetra Kazhagam (AIADMK) leh Dravida Munnetra Kazhagam (DMK) te chuan Lok Sabha inthlan lo awm turah hnehna an chan chuan India Prime Minister hlui Rajiv Gandhi thautute chu an chhuah ang tih an tiam.

    Tamil Nadu-a hmun nei ve ve party pahnihte hian Rajiv Gandhi thah thubuaia man mi pasarih, thiam loh chantir tawhte chu an chhuah ang tih an sawi a. Rajiv-a thattute chhuah hi Tamil Nadu-a party hrang hrangte zingah inthlan campaign-nan a lar hle niin sawi a ni.

    Hetih lai hian hetianga party-ten thu an tiam hi Election Commission of India-in Model Code of Conduct a siam bawh-chhiatna niin sawi a ni a. MCC-ah hian chiang takin, “Eng party leh candidate mahin sakhua, \awng leh hnam inkara inhriat thiam lohna leh inhuatna awm thei zawngin hma an la tur a ni lo,” tih a inziak a. Hetih lai hian AIADMK leh DMK thuiam hi Rajiv-a te chhungkua hawtu Tamil voter tam takte vote duh vang a ni.

    AIADMK hi Bharatiya Janata Party kaihhruai National Democratic Alliance (NDA)-a tel an ni a, DMK erawh hi chu Congress nena inzawm, United Progressive Allia-nce (UPA) a party pawi-mawh an ni thung.

    Rajiv Gandhi hi Liberation Tigers of Tamil Eelam (LTTE) terrorist-ten May 21, 1991 khan inthlan campaign-a a kalin Sripe-rumbudur, Chennai bulah thih chilh bomb hmanga thah a ni a. Thih chilhtu Dhanu mai bakah mi dang paruk an thi tel a ni. LTTE te hian Rajiv Gandhi-an LTTE-te dova Sri Lanka sipaite pui tura India  Peace Keeping Force (IPKF) sipai tirh a phalsakna an duh loh vanga that an ni.

    He thil thlengah hian mi 26 lai manin thiam loh cantir an ni a, heng zinga mi 19 te chu a hnuah chhuah an ni leh a, mi dang pasarihte chu kum 27 chhung taninah an tang tawh a ni.

    No comments

    Post Top Ad

    Post Bottom Ad