• Breaking News

    Rahul-a’n scheme thar tlangzarh

    Congress President Rahul Gandhi chuan nimin khan an sorkar chuan ‘minimum income guarantee scheme’ hnuaiah India rama mi rethei zual tak tak - zaa 20-te chuan kum tin Rs 72,000 an dawng tawh ang a ti.

    Gandhi chuan Press Congerence-ah, “He scheme hi ‘nyay’ tiin koh a ni ang,” tiin, “He scheme hmang hian retheite chungah rorelna dik lantir a ni dawn a ni,” a ti.

    A sawi hmangin he scheme hnuaiah hian India rama mi rethei zual chhungkaw vaibelchhe 5 a\anga mipui vaiblechhe 25 zetin pawisa hi an dawng thei dawn tih sawiin, an pawisa dawnte hi an bank account-ah direct-a dah luh a ni ang a ti bawk.

    Rahul chuan, “India ram sum leh pai dinhmun enin hei hi thil theih a ni. He scheme hi thla nga vel kan lo zir chiang tawh a, MGNREGA pawh kan tihchhuah a ni a, tuna scheme thar pawh hi kan puitlin ngei ang,” a ti.

    Rahul chuan thingtlang mite inhlawhna MGNRE-GA hnuaiah India mipui vaibelchhe 14 zet hnenah intun nunna tur sum pek an ni tih a sawi a. Tuna an scheme siam hi ngun taka ngaihtuah hnua an duan chhuah a ni tih sawiin, “Khawvela minimum income shcme lian ber a ni dawn a. Hei hi India ramin retheihna a beihna hnuhnung ber a ni dawn a, India ram a\angin retheih-na kan um bo dawn a ni,” a ti bawk a. “PM Modi-a’n India mihausa hnenah cheng vaibelchhe 3,50,000  a pek theih chuan India ram miretheite hnenah heng pawisate hi kan pe ve thei ngei ang,” a ti bawk.

    No comments

    Post Top Ad

    Post Bottom Ad