• Breaking News

    R Kelly a chhuak ve leh ta

    R. Kelly chu a fa en-kawlna a pek tur a bat avanga tanina tantir a nih hnuah Inrinni khan $161,000 (£122,000) chu pein a chhuak leh tawh.

    Cook County, Chica-go sheriff  office chuan Kelly chhuah tak thu hi an sawi a. A pawisa bat a pek tlak hnu lawkah chhuahtir  nghal a ni tih a sawi a. Tuin nge he pawisa hi peksak tih erawh a hriat loh.

    US R&B artist Kelly hi hmeichhe 4-in mipat hmeichhiatna kawnga an chunga mawi lo taka che-ah an puh a. A puhtute zinga pathum phei chu an chunga a chet lai hian naupang, kum tling lo an la ni a. Hemi avang hian thubuai 10 lai a nei a. Kelly hian an puhna hi a pha nasa hle a, mahse, thubuai hi an titawp chuang lo va, thiam loh a chan chuan kum sarih vel taninah a tang thei ang.

    Chicago tanin a\anga a chhuah hnuah, “He thil hi chin fel nghal vek a ni ang,” a ti niin CNN chuan an puang a. A tirah Kelly hian $60,000 pek phawt a tum thu a sawi a, mahse, court chuan a nupui hlui Andrea Kelly leh a fante pathum enkawlna tur a batsak hi pe nghal vek turin an ti a, chuvang chuan an man phah a ni.

    Kelly ukil chuan tunah hian Kelly hi sum leh paiah a harsa hle niin a sawi a. Tunah hian a thubuai neih chhoh avangin a contract neih laite chu company hrang hrangin an tihtawp-sak a ni tawh bawk a. Recording contract a nei mang tawh lo va, concert-a kal kual chi a ni tawh bawk si lo va, a sum hnar a chat titih tawh a, a harsa ve tawh maithei.

    No comments

    Post Top Ad

    Post Bottom Ad