• Breaking News

    Pu Rinte-an Oil dahkhawlna tur a tlawh


    Supply Minister Pu K Lalrinliana chuan nimin khan Bairabi khua-a Oil chhekkhawlna hmun tur a tlawh a. He Oil chhekkhawlna hmun tur hi Rel lian hmanga Oil rawn phurh luh sa, Mizoram hmun hrang hranga sem darh tur a ni ang.

    North East Frontier Railways, Executive Engineer Satish Jyoti chuan Minister hnenah hian Google atangin a hmunhma zirchiang in Rel/Train luh na tur te zirchiangin report a theh lut ang a, Sawrkar lam aiawh a kal ten Indian Oil Corporation ah a tul angin an lo bawhzui dawn bawk a ni tiin a hrilhfiah.

    Minister hi FCS&CA Commissioner Secretary Pu Rochungnunga,  Railway Consultant to the Government of Mizoram Pu Hrangtawna bakah FCS&CA Dy. Director Pu Robert C Lalhmangaiha ten an tawiawm a. North East Frontier Railways hotuten an Bairabi ah hian an lo dawngsawng a ni.
    Hemi hnu hian Minister chuan Rail Crossing bula FCI Godown Bairabi by pass road chu thawm that dan tur a en nghal bawk a; Bairabi Helipad VĂȘnga Supply Department Buhfai dah khawlna hmun thuam that ngai te a en nghal bawk.

    No comments

    Post Top Ad

    Post Bottom Ad