• Breaking News

    Prajnesh a kaisang ve zel

    India mipa tennis thiam Prajnesh Gunneswaran chu ATP ranking-ah a kaisang chho ve zel a. Indian Wells Open-ah a chet chhiat loh avangin world number 84-na niin, a tawn san lai ber a ni ta a ni.

    Hetih lai hian India no 1 hlui hlui Yuki Bhambri chu inhliam avangin a inkhel thei lo reng a, kum hnih chhunga a vawi khat nan world number 200-na hnuai lamah a tawlh thla ta thung.

    ATP ranking tihchhuah tharah Prajnesh hian Indian Wells tournament-a third round a luh avang khan point 61 lai hmuh belhin a kaisang chho va. Tennis a khelh hnua a hneh len ber ni turin world number 18 -na Nikoloz Basilashvili chu a hneh a nih kha.

    India number 2 niin Ramkumar Ramanathan chu world no 139-na a ni mek a. Ani hi a hmaa a nihna aiin hmun thum laiin a tla hniam a ni.

    India tennis top ranks pahnih hian tunkar hian Miami Masters khel pha turin qualifying round an khel dawn a ni.

    Yuki hi a khup a nat avangin tunah hian a inkhel thei lo mek a. World no 207-naah a tawlh hla daih tawh a. Ani hi India player zinga talent nei \ha bera an sawi \hin niin, a vanduai hle thung a. Hma a sawn ve dawn chauh va, a inhliam leh zel \hin a. World top 100 huang a dai apiangin inhliam na tak neiin a chawl leh vang vang zel a, a ranking a sang hlei thei lo.

    India player ranking sang zualte chu - Saketh Myneni (251) leh Sasi Kumar Mukund (268) te an ni a. Anni hi thla nga liamta kha chuan top 400 ah pawh an hming a la lang lo va, hma chu an rawn sawn chho ve hle.

    Hmeichhe lamah India no 1 Ankita Raina chu a hmaa world no 166-na kha 168-naah a tlahniam a, India number 2 Karman Kaur Thandi chu a hmaa a nihna aia hmun sarih zeta sangah kai chhovin, world number 203-na a rawn ni tawh a ni.

    No comments

    Post Top Ad

    Post Bottom Ad