• Breaking News

    PM Modi-a’n MCC a bawhchhe lo

    Election Commission of India chuan nimin khan Prime Minister Narendra Modi chuan Mission Shakti puanga thu a sawiah chuan inthlan laia zawm tura an duan - Model Code of Conduct (MCC) a bawh chhe lo tih an puang.

    Commission chuan PM Modi hian a thu sawiah hian a party nihna a sawi lo va, voter-te chu a party vote turin a ngen lo bawk a ni an ti.

    PM Modi hian Nilaini khan India ram mipuite hriat turin thu a sawi a, Hetah hian anti-satellite missile (A-SAT) chu hlawhtling taka kah chhuah a nih thu a puang a. India chuan defence lamah mel lung thar a bun ta a. Anti-Satellite missile hmang hian lei helna - orbit-a satellite-te a kap thla thei tawh dawn a ni. Hetiang thiamna hi khawvelah US, Russia leh China chiahin an la nei.

    Hetah hian PM Modi chuan, “Hnam tin hian an zin kawngah lawmna ni an nei \hin. Keini pawhin Mission Shakti a hlawhtlin avang hian March ni 27, 2019 hi kan lawmna ni a n,” tiin a sawi a ni.

    India anti-missile-in a kah thlak chhin satellite hi lei a\anga KM 300 a hla, orbit-a a awm lai a ni a. Hlawhtling taka kap chhin-in, India-in ama kutkawih ngei a nih avangin a lawm-awm zual niin PM Modi chuan a sawi a. “Kan thiamna hi kan ta a ni a, chuti chung chuan tumah donana hman kan tum lo va, kan invenna hmahrua tur a ni,” a ti a ni.

    No comments

    Post Top Ad

    Post Bottom Ad