• Breaking News

    Oxlade-Chamberlain rawn kir dawn

    Liverpool player Alex Oxlade-Chamberlain chu kum khat dawn inhliam avanga a inkhelh theih loh hnuah tunkar Zirtawpni hian Liverpool Under-23 team-in Derby County an khelh hunah a khel ve chhin dawn a. First team tan a inlan hun a hla tawh lo ang

    England midfielder, kum 25-a upa Ox hi nikum April  thla a\ang khan a khup na avangin a inkhel thei lo \an a. Champions League semi-final-ah Roma nen an inkhelhin a khup a tina a, England tan pawh World Cup a khel ve thei lo a nih kha.

    Hun rei tak a inkhelh theih loh hnuah February thla a\ang khan first team training a zawm a. Mahse, inkhelh tak tak erawh a la inkhel lo va, tunkar tawp hian a inkhel thei tawh turah an ngai a, Derby nena an game-ah hian a inlan dawn a ni.

    Liverpool chuan Fe-bruary thla khan Cham-pions League knockout stage Squad an theh luhah pawh Ox-a hming hi an telh tawh a. An thlen san zel chuan an mamawh dawnin an inhria a ni.

    No comments

    Post Top Ad

    Post Bottom Ad