• Breaking News

    Osaka’n coach thar a nei ta

    Hmeichhe tennis world No.1 Naomi Osaka chuan a coach thar atan Jermaine Jenkins a la lut ta.

    Osaka hian a head coach atan Jenkins a lak luh thu hi social media lamah a la l ut a, a team-te pawhin he thu hi a dik tih an sawi bawk.

    Osaka chuan Twitter-ah, “Zanriah tuihnai tak leh hlimawm tak ka team-te nen kan ei a. He hunah hian Jermaine chuan kan zingah hun a hmang dawn tih lawm takin kan puang chhuak bawk a ni,” tiin a ziak a. A tawpah ‘lol’ tih a ziak tel a, hei hi ‘laugh out loud’ tihna a ni a, a hlimin a nui ring hle tihna a ni thei ang.

    Osaka hian world number one dinhmun hlang kaitu Germany mi Sacha Bajin chu kar hnih liamta khan a ban a. Bajin-a hnuaiah hian Grand Slam-ah vawi hnih a champion a, world number one a ni chho hial a. Hetianga a chet \hat vanglai hian ban lo tur ni awm tak a nih laiin, a mimal hlimna chu hlawhtlinna aia a ngaih pawimawh zawk thu a sawi a, a ban ta a. Bajin hian engmah a sawi lo va, Osaka pawh hian a ban chhan tak hi a sawi chiang bik chuang lo a ni.

    Jenkins hi kum 34-a upa niin, Clemson Univer-sity-ah All American collegiate star ni tawh niin, Indian Wells Open a\angin Osaka hi a enkawl \an dawn a. Indian Wells-ah hian Osaka hi champion lai a ni.

    Jenkins hi kum 2015 a\ang khan nikum kum tawp thleng khan Venus Williams enkawltu a ni \hin a. A nau Jermere pawh tunah hian Serena Williams hitting partner ni lai a ni.

    Kumin January thla khan USTA Player Deve-lopment -te chuan hmei-chhe tennis coach-ah an ruat bawk.

    No comments

    Post Top Ad

    Post Bottom Ad