• Breaking News

    Obama leh Trump - lehkhabu hmangin an inel dawn

    Kumin British Book Awards-ah chuan US mi lian pahnih - First Lady hlui Michelle Obama leh President ni lai Donald Trump-te chu an inel dawn a. Tu tak chak ang maw tih chu heti lam ngaihventute hriat chak a ni mek.

    Michelle Obama memoir - Becoming chu ‘narrative non-fiction category’ ah award dawng thei tura nominate a ni a. Hetih lai hian Donald Trump-a chanchin - Michael Wolff-a ziah, White House-a a awm chanchin leh a kalkawng a tarlanna Fire and Fury pawh he category-ah hian chawimawi-na dawng thei tura nominate a ni ve bawk a ni.

    British Book Awards -ah hian category pariat a awm dawn a. Heng category hrang hrang pariat ah hian book of the year  an thlang vek dawn a. May ni 13 hian winner puan a ni dawn a ni.

    Michelle Obama lehkhabu hi audiobook category-ah pawh nomi-nate a ni a. Audiobook shortlist-ah hian Anna Burns ziah Milkman, pawh a tel a, he lehkhabu hi nikuma Booker Prize dawngtu kha niin, fiction category-ah pawh nomi-nate a ni nghe nghe.

    Paddington star Ben Whishaw chhiar audio-book  pawh nominate zing-ah hian a tel a. He lehkhabu hi Stephen Hawking-a ziah, Brief Answers to the Big Questions a ni.

    British Award dawng tur hian Heather Morris ziah, The Tattooist of Auschwitz chu best debut category-ah nominate a ni a. Hei hi Ludwig 'Lale' Eisenberg thil thleng tak tak chanchin ziahna a ni a. Eisenberg hian a jail tanpui te chu an banah tattoo hmangin serial number a ziahsak \hin a ni awm e.

    Children book award dawng turin David Wal-liams leh Jacqueline Wilson-te chu nominate zingah an tel a. Tomi Adeyemi pawh a lehkhabu hmasa ber - Children of Blood and Bone hmangin nomnate zingah a tel bawk.

    US writer Adeyemi hi a lehkhabu avang hian Waterstones' Children's Book Prize-ah nomimate a lo ni tawh bawk a, a tih fuh chuan a rual deuhthawin chawimawina pahnih a dawng thei dawn a ni.

    Hetih lai hian Children Book prize dawng tur hian Hilary McKay zaih The Skylarks' War pawh nominate a ni a. He lehkhabu hi kumin kum tira Costa children's book prize  dawngtu kha a ni a, Adeyemi lehkhabu hian a tluk zo ngut ang emaw?

    British Book Awards hi ‘Nibbies’ tiin sawi a ni a. Sumdawnna lam ziaktu magazine The Bookseller-in an buatsaih a ni a. Category pariatah hian judging panel hrang \heuh an awm vek a. Overall-a \ha thlang turin kuminah hian Labour MP Jess Phillips leh Sky News' Kay Burley hovin judge hrang \hah siam an la ni leh bawk a ni.

    No comments

    Post Top Ad

    Post Bottom Ad