• Breaking News

    Ni tina inhlawhfa chawpte film siamin State Award a dawng tlat!

    Hei hi chu lian tham deuh taka ziah phu a ni tlat mai! Tun hnai khan Kerala State Film Awards for 2018 chu a vawi 49-na atan sem chhuah a ni a. Hetah hian ‘Kanthan: The Lover of Colour’ chuan chawimawina sang ber a dawng a. Lawmman an lak tukah he film director Shareef Easa chu rubber plantation-ah inhlawhin a chhuak leh nghal! A chhan chu Shreef hi Kannur district-a Chapparapadavu khuaa cheng, kum 15 liam ta chhunga ni tina inhlawh fa \hin a ni tlat!

    Kanthan film hi mipa naupang pakhat leh a pi-in rethei taka hun an hman dan leh an chhehvel ramngaw tihchereu a nih dan lantirna a ni a. State award dawng tur hian film 104 zet theh luh zinga \ha bera thlan, Best Film a ni ta a ni.

    Shareef Eesa hian Kanthan film siam tur hian tha leh zung a seng nasa hle a, kum khat leh a chanve zet hun a hmang a. Ni tin inhlawhfa a ni chungin retheihna lak a\angin a tal chhuak thei lo va. A camera leh a nupui tlereuh te a hralh zawh vek hnuah pawh cheng nuai 20 zet ba a nei a, heti chung hian he film hi a siam puitling thei niin a sawi a. “He film-in chawimawina a dawn takah chuan ka bate rulhna turin hun rei zawk min nghak turin ka batna te ka ngen ngam phah dawn a, chu chu a lawmawm ber chu a ni,” a ti.

    Eesa hi kum 32-a upa niin, a tleirawl lai a\anga rubber thing sat a, a hnai la \hin a ni a. He hna a thawh avang hian ni tin zing dar 4-ah a tho va, rubber plantation-a hnathawk turin KM 2 a thu ke-in akal ziah a. Rubber thing pakhat zelah Rs. 2 hlawhin, ni khatah thing 300 vel a hnai hman a, ni khatah Rs. 600 a hlawh hman \hin niin Eesa chuan a sawi.

    Kanthan hi Kerala-a tribal hnam - Adivasi-te chanchin a ni a, Adivasi-te chenna Wayanad chhehvel a an chan zawh vek a ni a. Adivasi-te \awng - Ravula \awnga film an siam hmasa ber a ni a. A background music atan pawh hian Adivasi-te rimawi hmanrua vek an hmang a. He film thawnthu hi Shareef-a \hianpa, an khuaa awm ve tho, hla te pawh phuah \hin Pramod Kooveri ziah a ni a. A \hian tho, Priyan chuan he movie atana shooting hi a buaipui thung a ni.

    Eesa hian he film a siamna atana a sum hman turin a camera chu cheng sing rukin a hralh a, chuti chung chuan mi sum a la puk kual nasa hle. A naupan laiin lehkha zir chungin chanchinbu a sem a, ran a vulh bawk a. A hnuah a camera hmangin mi inneih thlate a laksak a, CPI(M) party chanchinbu ha reporter-te a ni a, mahse, hlawkna tak tak a neih loh avangin kum 18 mi a nihin rubber hunah a thawk ta a ni.

    Eesa chuan film siam zel chu a chak thu a sawi a. Film a siam zel theihna tura a mamawh ber chu sum a ni a, hemi atan hian tunah hian bawngpui 3 a vulh a, a lei belh theih chuan a sum lakluh a ziaawm ang a, film pawh tam zawk a siam thei ang tih chu a thil tum mek a ni a, thingtlanga awm a ni bawk a, a tum a ropui bik viau lem lo.

    No comments

    Post Top Ad

    Post Bottom Ad