• Breaking News

    Ni 106 hnuah Fulham-in Ranieri an ban; Scott Parker-a’n a ai awh dawn

    Fulham chuan manager Claudio Ranieri chu ni 106 an chhawr hnuah an ban a. A aiawh tur hian tuna first-team coach ni lai Scott Parker chu a nghet lovin an ruat nghal.

    Italian coach Ranieri hi Fulham tana a match hnuhnung berah Nilaini zan khan Southampton lakah si hnih faiin an chak lo a. Fulham hi Premier League-ah 19-na niin, game 10 chauh a awm tawh a, Championship lama tla thla leh tur zingah pawh pathum zinga pahnihna an ni a. Hemi avang hian thil danglam eng emaw a awm theih tak hlauhvin tiin Ranieri hian ban ta a ni.

    Nikum November thla khan Premier League-a Leicester champion-puitu Ranieri hi Fulham hian Slavisa Jokanovic banin an la lut a. Mahse, game 17 a khelhpui hnuah match thum chauh a chakpui a. A match hmasa berah Sout-hampton lakah 3-2 in a chakpui a, beisei lian tak neiin bul a \anpui a. Mahse, a zawnin match 11 chhung  an chak lo va, FA Cup third round-ah League Two club Oldham an hneh lo a ni.

    Kum 67-a upa hian Fulham a enkawl tirh a\ang khan Fulham hi dinhmun chhe takah an awm sa hrim hrim a. Fulham chairman Shahid Khan chuan, “Claudio hi dinhmun khirh takah a rawn lut a, match riat chhunga point khat chauh hmu thei kha a rawn rochun a. Match riat a khelhpui hnuah point 9 a rawn hmu a. Mahse, a hnuah chutiang chuan a kal reng thei ta bik lo va. Khaw dang kan hawi a ngai ta a ni,” a ti a. “Ka \hiana hian hmun dangah hlawhtlinna a hmuh ngei ka beisei a ni,” a ti bawk.

    Khan chuan Scott Parker chu Fulham enkawl rih tura an thlan thu a sawi nghal a. “Scott hian he club hi din nghet turin hma a la dawn a, football club kan nih anga hma kan sawn theihna tur a ngaihtuah dawn a. Ani hian chona a hmachhawn theih a, kan player-ten theihtawp an chhuah bawk chuan hneh-na kan chang chho ve mai ang chu,” a ti.

    Ranieri hian kum 2016 khan mi rin loh lutukin Leicester City chu a rawn champion-pui a, mahse, a hnu thla kuaah an ban a. Hemi hnu hian French Ligue 1 club Nantes chu a enkawl leh a. Fulham hi kkum khat aia rei enkawl turin contract a ziak a, mahse, Fulham chu a siam \ha zo lo a ni.

    Ranieri pawhin, “Tun hnaia kan result avangin pawi ka ti a, bul kan \an \ha naa, a tawpah eng kan ang ta lo a ni. Club leh player bakah fan-te, he club-a ka awm chhunga ka chunga an \hatnaah lawm-thu ka sawi a ni,” tiin Fulham a mang\ha a ni.

    Parker hi Fulham midfielder hlui niin, tunkar a\ang chuan Fulham a enkawl ve dawn ta a. Premier League match 56 chhunga Fulham manager 6-na a ni dawn ta a, kum 38 mi niin, England tan vawi 18 khel tawh a ni.

    No comments

    Post Top Ad

    Post Bottom Ad