• Breaking News

    Naxal-ten bomb hmangin bei

    Bihar-a Dumariya-ah Nilai zan khan Naxal-te chuan BJP hruaitu pakhat in chu dynamite hmangin an bei a, Lok Sabha inthlan lo awm tur boycott turin an hriattir a ni.

    BJP hruaitu, bomb hmanga an beih in neitu hi Anuj Kumar Singh niin, Naxal-te hian a in hi dynamite hmangin an bomb a, a chim chhe nasa hle a. Kawng kam lama a bang chu a sawp nulh a, a in dotu ban eng emaw zat a chhe bawk a. Vanneihthlak takin mihring thi leh hliam an awm lo hlauh a ni.

    Naxal te chuan Kumar Singh-a inah hian poster tar nghalin, Lok Sabha inthlan lo awm tur chu boycott turin an hriattir nghal a ni.

    Police-te chuan bomb puah hnu lawk hian helai hmun hi thleng ve nghalin, thil awmdan an chhui nghal tih an sawi.

    Dumariya hi Gaya khawpui a\anga KM 80 vela hla a ni a, helaia Naxal hel pawl an che thei hi police-te mualphona nasa tak anga ngaih a ni a, tun \um inthlan pawh hi a huphurhawm hle a ni.

    No comments

    Post Top Ad

    Post Bottom Ad