• Breaking News

    MP Candidate pahnih ten Press mite kawm

    Thla thar April ni 11-a Lok Sabha MP kan thlan tura MNF Candidate C Lalrosanga leh Congress leh ZPM te thlawp Independent Candidate Lalnghinglova Hmar nimin khan a hranin Kolasib Press Club-ah thuthar thehdarhtute an kawm. Candidate pahnihte chuan The Citizenship Amendment Bill, 2016 do an tum ve ve thu an sawi.

    Candidate-te pahnih hian Press mite an kawm hma leh hnu hian Kawnpui tiamin Tlang dunga khua te leh Bilkhawthlir, Vairengte-ah campaign an nei chhunzawm zel a ni.

    C Lalrosanga chuan, "Pathian leh kan ram tan titu MNF Party candidate ka ni thei hi ka lawm a. Nationalism kengtu leh chu meichher chhitute zingah ka tel avangin ka lawm hle a ni," a ti a. "Reilote chhunga sorkar thar hmalakna leh hna-thawhte ka hmuhin a ropui ka ti a, a ngaih\hat thlak ka ti takzet a ni," a ti bawk.

    Lalnghinglova Hmar chuan Lok Sahba-a Mizoten aiawh kan neih chhun BJP lam \ang anih a rem lova a hriat thu sawiin, "Kan elpui MNF te hi an sual, an \ha lo ka ti lo, mahse BJP kaihhruai NDA thlawptute an ni," a ti a, thlan tlin anih chuan BJP lo lam thawhpuitu anih dawn thu a sawi.

    MNF MP Candidate chuan, "Pathian leh mipui zarah ka tling a nih chuan ramri humhalh kawngah ka theih tawk a hmalak ka tum a, Citizenship Amendment Bill rawn put luh leh tum mahse kan do dawn a ni. MNF hi Kristian sakhaw humhalh tlat tum -tu a nih angin Kristian-te tihduhdahna doin theih tawpin ka hauh zel dawn a ni," a ti a. "Parliament chhung leh pawnah sorkar nena inthlawp tlatin theihtawp chhuahin hna kan thawk dawn a ni," a ti bawk.

    Mipui Candidate chuan, "MLA inthlan a zo tawh a, state-ah chuan MNF-in sorkarna an siam tawh. MP hna-thawhna hmanraw pakhat MP fund pawh rulling leh rulling lo neih zat a in ang vek. MP inthlanah chuan rulling an awm loa, rulling tur kan thlang dawn. BJP thlawp leh thlawp lo kan inkhing dawn a, kei chu BJP thawhpui lo lam ka ni," a ti.

    Tetea Hmar chuan chuan a theihna a san ber lai, a \hat lai leh chak lai bera ram tana zau zawka hnathawk tura pen chhuak anih thu sawiin, "Lok Sabha MP pakhat kan neih chhun hi pensioner tan chauh kan dah dawn em ni? Kei aia \halai fel zawk pawh an awm ang, a bul ka \an dawn a ni," a ti a, theihtawpa ram leh hnam tana thawh chu a thil tum a nih thu a sawi bawk a ni.

    No comments

    Post Top Ad

    Post Bottom Ad