• Breaking News

    Mozambique-ah thlipui vangin mi 1000 chuang thi dawn

    Mozambique rama thlipui na zet tleh leh a hnua tui lian avanga thi zat chu mi sang an chuan theih rin a ni.

    Hemi chungchang hi Mozambique President Filipe Nyusi chuan Radio Mocambique-ah sawiin, tuilian leh thlipuiin harsatna a thlenna hmun chu thlawh-na hmanga a tlawh chhuah tawh thu a sawi a. Thil awmdan enin tuna thi zat hi  an la pun chhoh viau a rinawm thu a sawi.

    Tunah hian mi 84-in nunna an chan tawh tih sawi a ni a. Cyclolne Idai hian Mozambique mai bakah Zimbabwe leh Malawi-te pawh a nuai tel a. Tuilian chuan in leh lo a chim bakah kawng a tichhia a, inbiakpawhna hmanrua a hman theih loh bawk a. President chuan hmun \henkhatah chuan a khua tawp tawpa tuiin a chim pilte pawh an awm a, tui chungah mihring ruang hmuh a ni a ti.

    Kar hmasaa cyclone tleh hian Zimbabwe-ah pawh mi 98 nunna a la a, mi 200 aia tam an bo a, Malawi-ah pawh mi 56-in an thih phah bawk a ni.

    No comments

    Post Top Ad

    Post Bottom Ad