• Breaking News

    Modi film chhuak lo maithei

    Bollywood film, Prime Minister Narendra Modi nun behchhana siam, “PM Narendra Modi’ tih chu April ni 12-a tihchhuah tum a ni a, mahse, Lok Sabha inthlan hi April ni 11-ah neih \an a nih dawn avangin he film tihchhuah hun tur hi April ni 5-ah sawn a ni a. Hemi avang hian eptu lamte chuan Election Commis-sion hnenah hekin, he film hi  BJP-ten inthlan cam-paign nana hman an tum niin an sawi a ni.

    Congress leh CPM-ten Lok Sabha 2019 inthlan vuakveta he film tihchhuah tum a nih hi politics thila ham\hatna lak tumna ni-a an ngaih thu an sawi a. ECI chuan he film producer mi pali hnenah hriattirna thawnin, insawi fiah turin a hriattir a ni.

    He film-ah hian Vivek Oberoi chu Modi lemah a chang a, kar hmasa khan a film trailer chu tihchhuah a ni tawh a. He film producer-te chu Suresh Oberoi, Sandip Ssingh, Anand Pandit leh Acharya Manish-te an ni.

    Director Omung Kumar B chuan, “He film hi a siam leh tihchhuah kawnga thawh chak berna film a ni  hial ang. A tirah April ni 5-a tihchhuah tum a ni a, mahse, ni 12 kan ti a, a hnuah a ni ngaiah kan sawn leh a ni. Eng emaw vanga ruahman a ni lo,” a ti a. Mi \henkhatin an pawmpui.

    No comments

    Post Top Ad

    Post Bottom Ad