• Breaking News

    MLA-in Bial tana hnathawh a sawi

    Tuirial Bialtu MLA
    Tuirial Bialtu MLA Pu Andrew H Thangliana chuan Tuirial Bial tana hna a lo thawh tawh thenkhat Kawnpui-a Chapchar Kut a hmanpuina-ah a sawi. Nimin hi MLA atana thlan tlin anih hnu-a mipui hma-ah thu a sawi (public Speech) hmasa ber a ni.

    Bialtu MLA chuan MZI Kawnpui Sub Hqrs nen thawkho-a Zaithiam zawnna Awithangpa Lelte buatsaih a ni thu te; Awithangpa Hall kawta Futsal khelna leh Volleyball khelhna siam a ni thu te; Basket Ball khelhna tur siam leh mek anih thu a sawi a. Banglaveng ah View Point siam anih tawh thu leh A&A bultuma Infiamna chi hrang hrang buatsaih anih dan te; Hortoki ah Indoor Stadium tla bal tawh chei that anih thu te; Hortoki kawng siam mek pawh ngaihven zui anih dan te  a sawi a ni.

    Hmachhawp a neih zingah Kawnpui College enkawlzuina tur MLA LAD Fund ruahman a tum thu te; Higher Secondary School changtlunna tur leh Private School te theih ang anga tanpuina pek a tum thu te a sawi a. Khawtlang hruaitu ten MLA Fund hmanna tur Proposal - an rawn thehluh pawh File ah uluk taka vawngin a tahtawl in hma kan lo chho zel ang tiin MLA Fund hi rual khai thei ang berin hman kan tum dawn a ni a ti bawk.

    No comments

    Post Top Ad

    Post Bottom Ad