• Breaking News

    Miami Masters thlirna

    Roger Federer chuan Miami Open fourth round a lut a, third round-ah world number 103-na Filip Krajinovic a hneh.

    Miami-a vawi thum champion tawh Swiss player Federer hian Serbia mi Krajinovic hi 7-5 6-3 in a hneh a, Federer hian ace vawi 14 lai a vaw chhuak.

    Grand Slam-a vawi 20 champion tawh Federer hian kumin hian ATP tour-ah match 14 a chak tawh a, vawi hnih a chak lo tawh thung.

    Inkhel dangah Austra-lian world number 77 Jor-dan Thompson chuan Bulgarian 29th seed Grigor Dimitrov chu 7-5 7-5 a hnehin, fourth round a lut ve bawk a. South Africa player Kevin Anderson pawhin inhliam a dam leh hnua a chet \hat chhun-zawmin Portugal player Joao Sousa chu 6-4 7-6 (8-6) in a hneh.

    Hmeichhe lamah world number one hlui, Romania nula Simona Halep chuan Venus Williams hnehin quarter-final a lut a. Winner 21 neiin, 6-3 6-3 in a hneh a, Chinese pahnih - Wang Qiang leh Wang Yafan  te intuma chak zawk zawk a tum leh ang.

    He tournament-ah hian Halep emaw, Petra Kvito-va emaw an champion a nih chuan Naomi Osaka lehpelin world number one  thar an ni ang.

    Czech Kvitova hian France nula Caroline Garcia chu 6-3 6-3 a hnehin quarter-final a lut a, kuminah WTA Tour quarter-final vawi nga a luhna a ni tawh.

    Australia nula Ashleigh Barty chuan Kiki Bertens 4-6 6-3 6-2 in a hneh bawk

    No comments

    Post Top Ad

    Post Bottom Ad