• Breaking News

    Miami Masters thlirna

    Simona Halep chuan hmeichhe tennis world number one nihna a hnaih leh tual tual a. Miami Open khelh mekah set khat a hloh hnuah Polona Hercog chu 5-7 7-6 (7-1) 6-2 in a hneh a ni.

    Kum 27-a upa Halep hian January thla khan Australian Open champion Naomi Osaka lakah world number one nihna hi a hloh a. Mahse, Miami-ah hian Osaka chu third round-ah a tlak avangin Halep hi a champion a nih chuan world number one thar a ni leh dawn a ni.

    Halep hian 14th seed Daria Kasatkina hnehtu Venus Williams a khel leh dawn a. Grand Slam-a vawi sarih champion tawh Venus hian kum 21-a upa Kasatkina hi 6-3 6-1 in a hneh a, 4th round-ah Halep nen hian an intum dawn a. Venus hi world number 38-na a ni mek.

    Halep hi tun hnaiah a che \ha lo va. Indian Wells-ah last 16-ah a tla a, Dubai-ah quarter-finals-ah a tla bawk. Hercog hi world number 93-na niin, Halep hian hneh turin darkar thum dawn hun a mamawh a ni.

    Halep hian final a luh a, final-ah world number two Czech nula Petra Kvitova tih loh mi dang a hneh lo a nih chuan world number one a ni dawn tho va. Kvitova hi a champion a nih erawh chuan Halep hi a number one thei dawn lo thung a ni.

    Hetih lai hian world number one Osaka chu third round-ah a chak lo a nih kha.

    Mipa lamah British number one Kyle Edmund chuan 3rd round-ah Milos Raonic chu 6-4 6-4 in a hneh a. Raonic hi a hnung-zang a nat avangin a khel \ha thei lo a, court chhungah physio a ko lut a, damdawi a ei hial a ni.

    Edmund hian Ameri-can defending champion John Isner a tum leh dawn a. Isner hian Spaniard Albert Ramos-Vinolas chu 7-5 7-6 (7-6)  a hnehin last 16 a lo lut tawh a ni

    World number one Novak Djokovic chuan Argentina player Federico Delbonis chu 7-5 4-6 6-1  in a hneh a, Spain player s Roberto Bautista Agut a khel leh ang.

    No comments

    Post Top Ad

    Post Bottom Ad