• Breaking News

    Mi fel famkim ka ni lem lo e - Cardi B

    Cardi B chanchin hi i lo hre viau  tawh a nih chuan a lar tak tak hma hian stripper-te pawh a lo ni tawh tih i hre ngei ang. Khatianga stripper a nih lai khan amah beiseitu mipa te chu damdawia hrai ruiin, an sum a ruksak \hin tih an sawi a. Tun hnaiah hetih hun laia a video chu Instagram lamah a lar hle.

    Hmeichhe rapper langsar Cardi B hi he video a rawn lar leh tak hnu hian mi tam takin an sawisel mek a. Mahse, insawi fiah tehchiam a tum lo. “A hun lai khan thutlukna chhuan-awm loh tak ka lo hmang a ni maithei a, mahse, ka dam khawchhuah nana ka tih theih tawk ka ti ve a ni mai.

    “Ka \ha famkim tih thu vawi khat mah ka la sawi ngai lo va, khawvel \ha famkim a\anga chhuak ka ni hek lo,” a ti hmiah mai.

    He video original hi a rawn lar chhuah \an tirh, kum thum kaltaa siam kha a ni a. A nihna takah chuan he video hi thiam leh tih nei lem lova lar ve tawp ti-a amah sawiseltute chhan letna atana siam a ni a. Mahse, tun hnaiah a video hi a tluan lovin a lar mek.

    Cardi B chuan, “Engmah hi a thlawna pek ka ni lo, engmah,” tiin he video-ah hian a sawi a. A video-ah chuan hotel-ah mipa a hruai lut a, a hrai rui a, chumi hnuah an pawisa a ruksak a ni.

    Instagram-ah hemi chungchang hi sawiin, “Ka hun kal tawha thil thleng kha a dik leh dik lo, a \ha leh \ha lo pawh zep nei lova sawi hi ka duh dan a ni. Ka dam khawchhuah nana ka tih tur ti maiah ka inngai.

    “Hip-hop culture-ah ka awm a, chutah chuan ka rawn chawr chhuahna sawi chhuah a remchang a. Ka thil tih sual tawhte pawh zep loh a remchang a ni,” a ti a. “Kei chuan sawi nasa lo zawk. Rapper dangte hi chuan tual thahte hi an sawi mawi a, tharum thawhna, ruihhlo leh rukruk te hi an sawi mawi nasa a ni.

    “Ka video-a langte kha ka sawi mawi lo reng reng. Khangte kha ka rimawiah pawh ka telh ngai lo. A chhan chu ka chhuang lo va, chhuanna chhan tur pawh ka nei lo. A hun laiin ka thiam dan berin thutlukna ka siam ve a ni mai a, duh thlan tur ka nei tlem em em a ni,” tiin, a hun hmasa lam a sawi

    Cardi B chuan he video-a langte hi mipa, hun a hmanpui leh a ngaihzawn te an nih thu leh mi pang-ngai, mahnia duh thlanna hmang thei chin, engkim hria an nih thu a sawi bawk a ni.

    Tunkar tir lam khan Twitter-ah chuan mipat hmeichhiatna lama hming chhia R Kelly video ‘Surviving R Kelly’ tih dungthulin ##SurvivingCardiB chu a lar hle a ni.

    No comments

    Post Top Ad

    Post Bottom Ad