• Breaking News

    Messi, Messi, Messi - Barca goal nalh 3 Messi goal

    First place: Lionel Messi.
    2nd place: Lionel Messi.
    Third place: Lionel Messi.

    Hei hi Barcelona-in an fan-te hnenah an club chanchina goal nalh thlang chhuak tura an tih a vote an thlak hnua result a ni.

    Barca fan-ten an club chanchina goal nalh bera an thlan chu kum 2006-07 season-a Getafe laka a goal khung kha a ni.

    Kha inkhel kha Copa del Rey niin, semi-final a ni a. Messi chuan Barca lam  half a\anga ball la in, a khalh phei a, Getafe defender pali a bum phei a, an um dul dul a, a tawpah goalkeeper bum lehin, harsa lo takin goal a khung ta a ni.

    He goal hi kum 1986 World Cup-a Argentina player ropui Diego Maradona’n England lama goal a kuhng nen a inan em avangin a hun lai leh tun thlengin khaikhin a la ni a. He a goal khung hi Barca fan, goal nalh thlangtute vote thlak zawng zawng zinga 45% a hmu a, goal nalh bera thlan a ni chiang hle a ni.

    Messi-a’n kum 2014-15 season-a Atletico Madrid lam a goal khung chu zaa 28 zetin mawi an ti ber a, Barcelona goal mawi ber dawttu a ni ta a. Hei hi Copa del Rey final match a ni.

    Hetih lai hian kum 2010-11 kuma Real Mad -rid nen an inkhelh, San-tiago Bernaeu Stadium-a goal a khung chu pathumna niin, vote tla zaa 16 a hmu thung a ni.   

    Hetih lai hian Barca goal nalh an tih zawng zawng hi Lionel Messi khung a ni vek bik lo a. Goal nalh an thlana 4-na dinhmun hauhtu chu Spain star Sergi Roberto khung a ni a. Kum 2017 Cham-pions League last 16 match, Paris Saint-Germain an lehthalna game-a a goal khung kha a ni.

    Barcelona goal nalh thlang tur hian mi nuai nga aia tamin vote an thlak a, vote thlaktute hi khawvel ram hrang hrang 160 chuanga fan-ten vote an thla a. Heng goal thlang chhuak tur hian Barca hian goal 63 an thlang chhuak a. Heng zing a\ang hian goal nalh an tih zual an thlang ta a ni. Heng goal 63 zingah hian Messi goal bik hi 10 lai a awm a ni.

    No comments

    Post Top Ad

    Post Bottom Ad