• Breaking News

    MCPA Kawnpui-in Annual Meet hmang

    Mizoram Civil Pensioner Association, Kawnpui Branch chuan Ningani khan Kawnpui Venglai YMA Hall-ah Annual Meet an hmang a, he hunah hian member boral sunna leh kum 80 chunglam chawimawina an nei a ni.

    MCPA Kawnpui Br. President Pu L.L. Hnema chuan he hun hi a kaihruai a, Pi Lalramngaii, Secretary - reports atanga a lan danin tunah hian Kawnpui MCPA-ah hian member 143 an awm mek a, member dam lote Rs. 1000/- a inkan thin a ni a, chatuan ram panta te ral nan Rs. 3000/- pek thin niin hei bakah hian member harsatna tawk dam lo leh thihna tawkte tan Gen. Hqrs-ah Endowment Fund an dilsak \hin a ni. Hei bakah hian khaw chhunga harsatna tawk te tanpui thin a ni a, Hmarveng-a Leimin tuarte hnenah tanpuina sumfai an lo pe tawh bawk a ni.

    Hunserh hmangtu Capt. Lalhmachhuana, CO Salvation Army chuan Pensioner te chu kum upa lam pawh ni mahse midangte tana malsawmna thlentu an ni thei reng a, chu nun chu nunpui a pawimawh thu a sawi a ni.

    Annual Meet hi Gen. Hqrs atangin mi 4 leh Kolasib Hqrs atangin mi 6 in an hmanpui a.

    Gen Hqrs President Pu K. Laltlansanga chuan Pensioner-te tana pawimawh hrang hrangte sawiin midang tana mawlsawmna nih chu MCPA thil tum pakhat a nih thu a sawi a ni.

    Kolasib Hqrs President Pu C. Liantawna chuan Kawnpui chu District chhunga khaw hmasawn ber te zinga mi a ni a, tunah College pawh a ding tawh a, College chu chhawm nun zel a pawimawh thu sawiin Kolasib-ah Hostel pawh awm lovah College lut tur mi tam tak an lo chhuk a, In luah chungchangah te buai fovin chu buaina chu College changtlung tak a awm chuan a reh ngei a rin thu a sawi bawk a ni.

    Tunah hian Kolasib Hqrs MCPA-ah hian Branch 10 a awm a, member 1009 an awm mek a ni.

    Annual Meet-ah hian Meet leh Meet inkara member boral pariat sunna hun hman a ni a, kum 80 chung lam mi 11 hnenah chawimawina an hlan bawk a ni.

    No comments

    Post Top Ad

    Post Bottom Ad