• Breaking News

    McCartney note bu man a to

    Sir Paul McCartney-a’n school a kal laia a note bu pakhat chu lilamna hmunah a fan pahnihte chuan an inchhan huaisiak a, pound 46,800 in an hralh hem mai.

    A lilamtute pawhin heti taka to hian an hralh an inbeisei lo va, an hralh theihna tura an rin aia a let sawm zetin an hralh to.

    Newton-le-Willows, Merseyside-a Beatles-ho thil hlui an lilamnaah UK ram chhung mi, telephone hmanga chhangtu pakhatin a lei a. He lehkhabu hi kum 76-a upa Sir Paul-a’n Liverpool Institute High School for Boys a kal laia English Literature subject note bu atana a hman a ni.

    He lilamnaah hian John Lennon-a tarmit pahnih chu pound 9,600 in hralh a ni a, George Harrison-a hla awmna cassette erawh hralh a ni ve lo thung.

     Sir Paul-a notebook-ah hian phek 22 a awm a, a tleirawl laia a zirlai a ziah chhuahte chu chiang taka chhiar theihin a la awm a. An zirtirtu, Alan ‘Dusty’ Durband-a’n note a pek-te pawh a la awm  a ni.

    No comments

    Post Top Ad

    Post Bottom Ad