• Breaking News

    Match hnih hrem tur Ramos

    Sergio Ramos Uefa chuan Champions League match-a Real Madrid leh Ajax inkhelhah yellow card a hmuh luih avangin match hnih chhung khel thei lo turin an hrem.

    Champions League last 16 first leg match an khelha minute 89-na, Real-in 2-1 a hma an hruai laiin Ramos hi Ajax player Kasper Dolberg lakah foul luiin yellow card a hmu lui a ni.

    Inkhelh banah kum 32-a upa Spain defender Ramos hian, “Yellow card kha ka hmu lui lo ka tih chuan dawt ka sawi tihna a ni ang,” tiin a sawi a. Hemi avang hian Uefa chuan thubuai siamsakin, yellow card a hmuh avanga match khat a khelh theih loh tur bakah yellow card a hmuh luih avang hian match khat dang khel thei lo turin an hrem a ni.

    Tarlan tawh \hin angin Ramos hian card a hmuh khan match khat a khel thei lo ang a, a hnuah card nei sa lovin a khel thei dawn a. Chu chu amah leh an club tan a \ha zawk tih a hriat avangin a tilui a, hei tak hi an hremna chhan a ni.

    Mahse, hetia an hrem takah chuan Real hian quarter-final an lut a nih pawhin first leg chu a khel ve thei dawn ta lo a ni.

    A hnuah Ramos hi insawi fiah leh mah se an pawmsak tawh lo a ni.

    No comments

    Post Top Ad

    Post Bottom Ad