• Breaking News

    Manchester City-in Watford hnehin Premier League hma an hruai

    Raheem Sterling chuan second half-ah hat-trick siamin Watford lakah 3-1 in Manchester City an chak a, Premier League-ah Liverpool aia point 4-a sangin hma an hruai. Watford tan Gerard Deulofeu  chuan goal khat a khung ve bawk.
        First half-ah Watford an inveng tluan thei a, mahse, second half-ah Sterling chuan goal khatna chu vanneih vang deuh liau liauvin a khung a. He goal khung tur hian Sterling hi a off-side chiang hle a, mah se, referee Paul Tierney chuan a pawmsak tlat.
        Goal hnihna erawh sawisel tur a awm lo va, Riyad Mahrez-a siamsak chu Sterling hian awlsam zetin a khung a. Kum 24-a upa sterling hian David Silva pass chu goal-ah chantir lehin, tun season-ah goal 18 a khung tling ta.
        Watford hian Premier League-ah beisei tur an nei lo va, an tla thla dawn lo tih a chiang deuh tawh bawk nen, tunkara Crystal Palace nen FA Cup quarter-final an khelh tur hre rengin an player an siksawi nual a. City lakah half-time hma bak an inveng thei lo a. Second half tawp lamah, an mualpho lutuk tur veng turin an hmatawng \ha pahnih Troy Deeney leh Gerard Deulofeu te an rawn luhtir chauh. He mite pahnih inkawp hmang hian goal pawh an khung ta nghe nghe a ni.
        City hi Legaue-ah a zawna vawi ruk an chakna a ni ta a. Liverpool hian nizan khan Burnley an khel a, an hneh chuan an inkar hi a zim leh sawt ang.
        City hi Fifa, Uefa, Football Association leh Premier League-a thuneitu -ten an sum hman dan an chhui lai mek an ni a, field pawn lamah an buai ang-reng a. Mahse, chu chuan field chhunga an player-te chetdan a tibuai lem lo.
        Team dang ang bawkin Watford hian City hi goal khungtir loh an tum a, mahse, goal khung lova City danchah hi thil awl a ni lo va, goal thum chu an chhuah ta tho a. Hetih lai hian Pep Guardiola chuan team tinin City an khelh chuan goal khung an tum lo va, City dan chah chiah an tum \hin a, chuvangin point hloh lova season hman tluan chu thil harsa a nih a rin thu a sawi.
        Guardiola chuan, “Season tawp lam a ni tawh a, game tin hi a pawimawh tawh. League-a a chung bera awm tur hian thla thum zet kan nghak a, tunah chuan a chung bera awm tluan chhuah kan tum leh dawn a ni,” a ti.
        Watford head coach Javi Gracia chuan, “First half kan khel \ha a, second half-ah inkhel a danglam ta a ni. Kan goal khat chhuah -na khan kan rilru a tidang-lam ta vek a; kan rilru kan hmang \ha hleithei tawh lo va, chutih chhung chuan goal hnih kan chhuah leh hman a, kir leh ngaihna a awm ta lo a ni,” a ti.
        Sterling hi he inkhela che \ha ber, Man of the Match a ni.


    Spurs an chak lo leh ta!

    Southampton chuan Inrinni zan khan 2-1 in Totenham Hotspur chu an hneh a, champion tum ngam \hin Spurs kha top 4-ah an awm dawn em tih a chiang tawh lo.
        Spurs tan Harry Kane chuan minute 26-naah goal hmahruai a khung a. Spurs boss Mauricio Pochettino club hlui Southampton hian hnehna an chan a rinawm loh sawt a. Mahse, Ralph Hasenhuttl-a enkawl Southampton an duai lo va,  Yan Valery chuan Spurs defender Danny Rose-a tihsual nangchingin an si phurh a sut a. Minute 81-naah James Ward-Prowse  chuan free-kick a\angin chakna goal mawi lutuk a khung leh a ni.
        Southampton hi an home-ah a zawnin an chak ta a, kum 2016 December thla hnua hetiang an tih leh theihna hmasa ber a ni.
        Tottenham manager Pochettino chu hrem a nih avangin mipui zing a\angin inkhel a en a. Spurs hi League game vawi 4-ah vawi thum an chak lohna a ni ta a, nizanah Manchester United chuan Arsenal an khel a, a tu zawk zawk pawh hi chak se Spurs hi an an rawn khawih pha tawh dawn a ni.
        Nikum December ni 16 a Jose Mourinho an ban lai khan United hian Spurs hi point 13 zetin an thlau kha a ni a, nizana an chak chuan an point a inang leh tawh dawn a ni. Chu mai chu a ni lo va, Chelsea chu Spurs ai hian game hnihin an khel tlem zawk a, an chak ve ve chuan Spurs hi khelh inangah an lehpel thei  dawn a ni. Chu mai bakah Spurs hian pahnihna Liver-pool chu an game lehah an tum dawn zui. Spurs hi tun season-ah chak zawk tura ngaih theih an nih tawh hnua chak leh ta lo ngun ber an ni.

    Premier League inkhel dang thlirna

    Inrinni zan Premier League inkhel adangah Ayoze Perez chuan Newcastle tan hun tawp dawn lamah goal hnih khungin Everton lakah Newcastle chu 3-2 in an chak.
        Everton hian Dominic Calvert-Lewin leh Richar -lison-te hmangin goal an khung a. Newcastle hian penalty an hmu a, Matt Ritchie pet chu Everton goalkeeper Jordan Pick-ford chuan a dansak zui a. Everton hi awlsam taka chak tawh mai tura ngaih an nih hnuah, hun tawp lam minute 25 chhungin goal 3 an rawn khung a. Perez-a goal hnih bakah Salomon Rondon chuan goal a khung bawk a. Newcastle hi a zawnin an home-ah match 5 an chakna a ni tawh a, 13-naah an kai-sang tawh.
        Relegation zone-a la awm Cardiff chuan West Ham chu 2-0 in an hneh a,
    Junior Hoilett leh Victor Camarasa-ten goal khung-in, a zawna match 3 an chak loh hnuah hnehna an chang ve leh ta. Fulham chu season tharah Champion-ship club an nih leh ngei hmel tawh a, an chak lo tluang par par.
        Chutih lai chuan Leicester manager thar Brendan Rodgers hnuaiah Foxes an khel \ha a, Jamie Vardy chuan Leicester tan goal 100 a khung tling ta a, he inkhelah hian goal 2 a khung a. Rodgers chuan home-a a naute a khelhpui hmasak berah a chakpui nghal. Leicester tan Youri Tielemans chuan goal a khung ve ta a, 10-naah an kaisang ta bawk.

    Inrinni zan Premier League inkhel result
    Crystal Palace 1-2 Brighton
    Cardiff 2-0 West Ham
    Huddersfield 0-2 Bournemouth
    Leicester 3-1 Fulham
    Newcastle 3-2 Everton
    Southampton 2-1 Tottenham
    Man City 3-1 Watford

    No comments

    Post Top Ad

    Post Bottom Ad