• Breaking News

    Man United manager - Solskjaer

    Manchester United chuan Ole Gunnar Solskjaer chu an manager nghet ni turin an la lut ta a, kum thum daih contract an ziahpui ta.

    Kum 46-a upa Norway mi Solskjaer hi nikum December thla khan Jose Mourinho an ban hnuah manager lailawk atan United hian an la lut a. An lak luh hnuah United dinhmun a kang awk awk a. Manager nghet atan pawh an iai ta lo a ni.

    Solskjaer hian United-ah hian football khelin season 11 chhung zet hun a hmang a. 1999 khan Champions League final-ah chakna goal khungin, amah vang liau liauvin an champion a tih theih.

    Contract a ziah hnuah Solskjaer chuan, “He hna hi thawh ka chak a ka duhthusam a lo ni \hin a, he club manager tak tak ni tura rawih ka ni ta hi ka phur tih piahlam a ni,” a ti.

     “He hmuna player ni-a ni khat ka hman a\ang khan he club hi a special tih ka hre tawh a, ka tan chuan in dik tak a ni. Manchester United player ka ni thei kha ka tan chuan chawimawina a tling tawh a, chumi hnuah manager ka han ni leh thei hi chu a ropui a ni tawp mai. Tun hnaia ka hun hman dan phei hi chu duhthusam a ni ringawt mai,” a ti.

    Solskjaer-a’n a enkawl tirh khan United hi Premier League-ah 6-na niin, top 4 zinga a hniam ber aiin point 11 laiin an hniam zawk a. Mahse, a hnuaiah hian match 13-ah match khat chiah an chak lo va, tunah chuan palina ni lai Arsenal aiin point hnih chiahin an hniam tawh zwk a ni.

    Executive vice-chairman Ed Woodward chuan Solskjaer an lak luhna chhan chu a phu em vang a ni a ti tawp a. “Manager lailawk a nih tirh a\ang khan Ole-a hna \hat zia hi a result-in a sawi lang vek a ni. Kan beisei piah lam thil a rawn thlen a ni,” a ti a, a lungawi hmel khawp mai.

    Solskjaer hi United manager ni tawh zingah a League game  hmasa paruka chak vek thei awmchhun a ni a, United manager ropui Sir Matt Busby-a record pawh a rawn khum a ni.

    A hnuaiah hian United chuan kum 2014 hnua a vawi khat nan Champions League quarter-final an lut tawh a. A assistant Mike Phelan chu Central Coast Mariners, Australia-ah contract lo ziak tawh mah se, Old Trafford-ah awm zel tura sawm a ni.

    No comments

    Post Top Ad

    Post Bottom Ad