• Breaking News

    Man United-in PSG lehthalin Champions League last 16 an lut

    Marcus Rashford chuan hun pek belhah penal -ty a\anga goal khungin Manchester United chu Champions League quarter-final a luhpui.

    Champions League last 16 first leg-ah khan French champion Paris St-Germain chuan Old Trafford-ah 2-0 in United hi an hneh a nih kha. Second leg hi Paris khawpuiah an khel a. Inkhelh \an tirh te-ah Romelu Lukaku chuan goal a khung nghal a. Mahse, PSG tan Juan bernat chuan Kylian Mbappe pass chu goal-ah chantirin, 1-1 a ni a. Hemi hnu hian PSG chuan chance an nei mawlh mawlh a. United defender Eric Bailly chu a inhliam zui a, Diogo Dalot chuan a rawn thlak a. PSG-in an chance an hmang \angkai thei lo va, Rashford-a shot \ha zet chu Gianluigi Buffon chuan a lo dang per a, Lukaku chuan awlsam takin a khung a, United-in 2-1 in hma an hruai a; first leg score nen, PSG an la chak tho.

    Hun pek belh, minute 94-naah Dalot-a shot bon tak chu Presnel Kimpembe chuan a banin a lo dang a,  VAR an rawn hnuah United hian penalty an hlawh a, Rashford chuan cool tawkin a pet goal a, United chu 3-1 a chakin, vawi hnih inkhelh belh-khawmah 3-3 in in-draw mah se, away-ah goal 3 an khung theih avangin United chu away goal rule-in an chak ta zawk a ni.

    United chu Champions League first leg-a si hnih fai leh a aia tama chak loh hnua chak leh thei hmasa ber an ni ta a; kum 107 chhung chu hetiang hi an la awm ngai lo.

    France defender Kimpembe ball lo dan hi a out a, hun a tawp dawn ruai tawh si a, United hi last 16 ah an tawp dawn a nih hi kan ti hman a, mahse, Slovenian referee Damir Skomina chuan VAR a va rawn a, penalty a pe ta si a, Rashford lahin a hlah ta si lo a ni.

    United manager lai-lawk Ole Gunnar Solsk-jaer chuan Champions League quarter-final a luh-pui ta a, game 17 a khelh puiah vawi 14 a chakpui tawh a, manager ngheta lak luh duhna a lian tawh hle a ni. Hemi chhung hian away-ah Tottenham, Arsenal leh Chelsea te an hneh tawh a, tunah PSG an hneh leh a; player \ha eng emaw zat chhawr thei lo chungin PSG an hneh thei a ni. Tunah chuan Solsk-jaer hi United manager nghet a ni dawn em tih aiin, engtikah nge manager nghet a nih ang tih hi zawhna a ni tawh awm e.

    PSG hi tun season-ah an home-a an chak loh vawi khatna a ni a. An ram league-ah chuan sang viau mah se, Champions League-a an tawn hriat neih loh an la tuar zel a. Season hnih liamta khan Barcelona chu last 16-ah tho first leg-ah 4-0 in an sawp a, second leg-ah an inlehthaltir leh a nih kha kan la hre vek awm e! Euro-pean champion nih chu an la hlat deuh hmel a ni.


    Porto-in Roma an lehthal

    FC Porto chuan first leg-a 1-2 a an hneh lo Roma chu Champions League last 16 second leg-ah 3-1 a hneh letin, 4-3 in an chak a, quarter-final an lut daih.

    Porto tan Francisco Soares chuan goal hma-hruai a khung a. Roma captain Daniele de Rossi chuan     an si phurh a rawn sut leh thuai a. Mahse, Moussa Marega chuan Porto tan goal khung lehin, an in-draw a, extra-time khelh a ngai a. Minute 116-naah Porto chuan penalty an hmu hlauh a, Alex Telles chuan khungin Porto a chakpui ta a ni.

    Porto hi kum 2014-15 season hnua Portugal ram club, Champions League quarter-final lut thei hmasa ber an ni.

    Rome khawpuiah Porto hi an va pawr thei lo va, mahse, Portugal-ah chuan an lo pawr thei nasa mai a lo ni a, Italy club \ha Roma pawh an che hleithei lo a ni ber a. Season liamta a Barcelona hnehtu Roma chu an tla ta a ni.

    Roma manager Eusebio di Francesco chu he inkhela a chak loh chuan ban mai theih dinhmunah a ding mek an ti a, an chak ta si lo va, a bang maithei. Inrinni khan Lazio lakah si thum faiin an chak lo va, Serie A-ah 4-na aia point 3-a hniamah an awm mek a. Thla 10 liamta khan Champions League semi-final-ah Francesco ho hian Roma hi an lut a, Liverpool lakah an chak lo ta hlauh a, mahse, semi-final lut turin Barcelona an hneh thei a, miin an fak nasa hle a nih kha. Mahse, khami hnu khan an player langsarte an chhuak nual a, Brazil goalkeeper Alisson chuan Liverpool a zawm a, mid-fielder Radja Nainggolan  chu Inter Milan lamah a kal a, Kevin Strootman pawh Marseille-ah a kal daih bawk a. Season liamta ai khan an \ha tawh lo zawk niin a ngaih theih.

    No comments

    Post Top Ad

    Post Bottom Ad