• Breaking News

    Man City-in India club lei an tum?

    Manchester City neitu-te chuan India ram club lei an tum niin City Chief executive Ferran Soriano chuan a sawi.

    City Football Group hian khawvel ram hrang hrangah club pasarih an nei tawh a. Hmanni lawk, February thla khan China ram third division club Sichuan Jiuniu FC chu an lei a nih kha.

    Manchester City mai bakah City Football Group -te hian New York City, Melbourne City, Yokoha-ma F Marinos, Atletico Torque leh Girona-ah share an nei a, tunah India ram club lei an tum leh thu a thang \an ta mek a ni.

    Soriano chuan, “Hman hmawh lovin kan kal zel dawn. Football ngainatna tak tak awmna ram kan en zel a, China leh India pawh kan en a, Asia hmun dang-ah pawh kan en zel ang. India ram hi kum hnih vel kan thlithlai tawh a, kuminah hi chuan hma kan lak tawh ka ring,” a ti.

    Kum 2013 khan City Football Group hi din a ni a, Soriano chuan, “Huang kan zauh zel a, team sarih maiah kan duhtawk lo va, mahse, team 100 em em chu kan nei lo ang. Kum 10 lo awm leh tur ka sawi thei lo va, mahse, he Group hian team hnih/thum chu a neih belh ka ring,” a ti.

    No comments

    Post Top Ad

    Post Bottom Ad