• Breaking News

    Lok Sabha-ah kum nga chhungin Bill 240 pass hman a ni

    Lok Sabha ding lai term, kum 2014 a\anga 2018 chhung khan Parliament-ah Bill 273 put luh a ni a, heng zinga 240 zet chu pass a ni

    Tun hnaia Association for Democratic Reforms (ADR) leh National Election Watch (NEW)-ten an zir chiannaah Lok Sabha term zo taah khan MP pasarih, Delhi mite chu Parliament \hutkhawma kal \ha ber an ni a. Vawi 312 \hut khawmah vawi 289 an kal a ni.

    MP zinga Parliament \hut khawma kal chhe ber chu Nagaland MP pahnih an ni a, anni hi vawi 88 chiah an kal a ni.

    Lok Sabha-ah hian session vawi 16 neih a ni a, June ni 4, 2014 a\anga 2018 December ni 20 chhunga record a ni a. State zingah Maharastra MP 50-te chuan Parlia-ment-ah zawhna an zawt hnem ber a. An vaia zawh-na zawh lak khawmin, pakhat zelin zawhna vawi 534 zet an zawt ang a ni a. Hetih lai hian Nagaland MP pahnihte bawk khan zawhna an zawt tlem leh ber a, vawi 12 ve ve chiah  zawhna an zawt a ni.

    Political party zingah Indian National Lok Dal (INLD) te chu Lok Sabha 16-naa taima ber niin, Parliament \hutkhawma tel ngun ber party an ni a. Vawi 312 \hut khawmah vawi 264 tel ang an ni a. Tel thatchhe ber chu National People’s Party (NPP) chuan vawi 85 chiah an tel a ni.

    Party zingah Shiv Sena MP-ten zawhna an zawt peih ber a, Shiv Sena MP 18 te chuan zawhna 639 zel zawt ang an ni a. NPP MP pahnihte hian zawhna 10 ve ve zawt ang an ni thung.

    Nationalist Congress Party MP Supriya Sule, Dhananjay Mahadik leh Vijaysinh Mohite Patil  te chu mi mala zawhna zawt hnem ber an ni bawk.

    No comments

    Post Top Ad

    Post Bottom Ad