• Breaking News

    Lawrkhawm 27.3.2019

    Pastor  thlah  dawn
    Zanin hian United Pentecostal Church (UPC) of North East India, Kawnpui Bial vawngtu Pastor C. Lalramthanga chu bialin Kawnpui Venglai Kohhran Biak Inah thlahna hun an hmang dawn a. Pastor Ramthanga hian March 29, 2019 hian Chaltlang Bial a pan dawn a ni. Kawnpui Bial-ah Pastor K Laltlankima a rawn awm thung ang. Pastor Ramthanga hi March 30, 2016 khan Kawnpui-ah a awm \an a, Kawnpui bial hi kum 3 a vawng a ni.


    Zodin-ah  Zu  siamna  tichhia
    Kolasib Excise & Narcotics department leh Meidum YMA te \angkawp chuan nimin khan Zodin (Rasdhali) khuaah zu zuar leh a siam dapchhuah beihpui an thlak a, zu siamna hmun 4 ami tichhiain mihring man an awm lo thung a, case pawh ziahluh a ni lo.
        Kolasib END hotute sawi danin an thil man te hi rakzu 10 litres, zu bilh lai \in 200 leh dawidim 5kgs, bel mawngpawp 3, eksuk bel 3 bakah zu chiahna barel bung leh gallon engemawzat a tel a ni. END hotute chuan district chhung hmun dang dangah pawh ngawrh lehzuala beihpui thlak an tum thu an sawi a ni.


    Phd  hmu  thar
    C.Vanlalveni w/o Dr Lalthazuala Rokum, New Diakkawn chuan MZU atangin Botany-ah Phd a hmu thar a, a thesis chu 'Assessment of Nitrogen Fixing Cyanobacterial Diversity in Rice Fields of Mizoram using Ribosomal DNA Marker (16S rRNA)' a ni.


    Fai  hnatlang
     Vawiin hian Kawnpui Joint MHIP  chuan Damdawi In leh a chhehvel tifaia hnatlan an tum a; hemi rual hian SDEO Office pawh tihfai nghal an tum bawk. SDO(C) Kawnpui chuan sawrkar Pisa zawng zawng te chu an Pisa theuh tifai turin a lo hriattir tawh bawk.


    Sanitation Campaign
    Nimin khan Kanan Veng Sanitation Committee chuan veng chhung mite kohkhawmin Pi Lalhruaitluangi, MCS, SDO(C) hovin Sanitation Campaign an nei a. SDO(C)chuan fai tur chuan tanrual a ngai a, mitinin mawhphurhna pawimawh tak kan nei vek a ni a ti. He hun hi VC-III ten an telpui bawk.


    MZP  Pisa  a  tlawh
    MP Candidate Pu Lalnghinglova Hmar chuan nimin khan MZP Pisa Pui Aizawl a tlawh a. MZP President in a lo dawngsawng a ni. MZP te chuan MP candidate hnenah hian MZP in Mizo tana an ngaih pawimawh hrang hrang an lo sawipui a; chung zingah chuan CAB te; Zo Fate inpumkhatna te; ramri buai chinfel te leh Zirlaite hmasawnna tur te an sawi a ni.
        Pu Lalnghinglova Hmar chuan CAB chu a dodal tlat dawn tih sawin Ramri buai chinfel chu MP anih theih chuan lian zawka thuneitute nena indawrna neih a tum ang tih a sawi a; Thalaite eizawnna tur hrang hrang ngaihtuah pawh a inhuam tih a sawi.
        MZP thuchhuah chuan MP Candidate zingah tun hma atang tawhin Official taka MZP Pisa tlawhtu an neih hmasak ber anih thu an sawi a; an lawm hle a ni.


    MP  danglam  nih  tum - C. Lalrosanga
    MNF Party in MP atana an Candidate Pu C Lalrosanga chuan ‘Pathian avangin MP danglam nih ka tum’ a ti.
        Nimina Aizawl Vanapa Hall-a Campaign kick-off neihna ah thusawiin Pu C Lalrosanga chuan ‘Mizoram Sawrkar chak tak tan hian Delhi lama thlawptu Ruling MP neih chu duhthusam a ni ang. Citizenship Amendment Bill do tur te, ramri humhalh tur te leh Kristian tihduhdah tuarte tanpui turin theih tawpa ke pen ka tum a. Zofate insuihkhawm lehna veitu ka nih angin theih tawpa hmalak ka tum a ni’ a ti bawk.
        He huna thusawitu MNF Party President Pu Zoramthanga chuan Eptu Party te chuan BJP nena thawkho-a puhna bak eng mah sawi tur an hre lo a; an sawi ngai hlir an sawi nawn mai mai a ni’ a ti a. MNF in MP Candidate atana an chhawp chhuah chu India ram pum huapa nihna pawimawh ber lo chelh tawh, MP te nen pawha thawkho-a India ram lo kaihruai tawh a ni a.  Delhi leh Khawvel zau zawk pawha MP chhuanawm berte zing ami a ni ang’ a ti.


    NPP-in  MNF  thlawp  dawn
    National Peoples Party (NPP) nimina Executive Meeting chuan NPP Gen Hqrs hruaitute ngenna angin Mizoram MP Election ah MNF candidate Pu C Lalrosanga chu thlawp nise an ti a; Mizoram chhunga NPP members te pawhin MNF candidate ho vote theuh turin an ngen bawk. NPP hi 29.Sept.2018 khan Mizoram ah din a ni a. MLA Election ah khan candidate 9 siamin Votes 3507 an hmu phak a. Kum 2018 a Mizorama Party ding thar Zoramthar (3194 votes); PRISM (1262 votes) leh NCP 9503 votes) zingah chuan Vote hmu sang ber an ni. NPP Meeting hi an President Pu Hmingdailova Khiangte EX MLA (Tuirial Bialtu hlui) chuan a kaihruai a ni.

    No comments

    Post Top Ad

    Post Bottom Ad