• Breaking News

    Kyrgios-a inbuatsaih dan a dangdai

    Australia player Nick Kyrgios chuan Mexican Open final a khelh hma khan tennis khel lovin jet-skiing (tuia lawng-bike khalh ang chi hi..) a ti daih tih a sawi.

    Mexican Open final-ah hian Kyrgios hian world number three Alexander Zverev chu 6-3 6-4 a hnehin a champion a ni.

    Kum 23-a upa, world number 72 Kyrgios hian final atana a inbuatsaih dan sawiin, “Ka inthunun nasat a ngai tih ka hria a, profes -sional takin ka awm a ngai a, thil dik ka tih a ngai tih ka hria. Coach pawh ka nei lo va, ka neih pawh a ngai maithei e,” a ti a. “Zing dar 5:30 khan tuipuiah jet skiing ka ti daih tawh a. Top 10 player chin chuan an tih ka ring miah lo,” a ti bawk.

    Kyrgios hian Mexico final lut tur hian top 10 player pathum a hneh a. Zverev hma hian Rafael Nadal leh John Isner a hneh tawh a, anni bakah hian Grand Slam-a vawi thum champion tawh Stan Wawrinka pawh a hneh nghe nghe a ni.

    Kyrgios chuan, “Final-ah hian chak lo zawk tura ngaih ka ni tih ka hria a, chuti takin kei pawhin ka beisei sang lo,” a ti a. Mahse, trophy leh Mexi-can lukhum - Sombrero an pek hnuah chuan, “A nuam khawp mai. Player \ha em em, chhiatna lai nei mang lo ka hneh a, ani hi chu ka style pangngai tawpa khelh mai loh chu tih theih ka nei lo. Ka chak avangin ka lawm hle a ni,” a ti.

    Kyrgios hi buaina siam peih ve tak a nih avangin leh court chhunga a chet duhdah theih em avanga hram fo a ni a. Tunah hian amah pawhin insiam \ha tawhin a inhria a, “Tal chhuak thei tawh lo emaw ka inti hman a, mahse, ka thei. Ka theih chuan in thei ve vek ang. Engkim hi a inthlakthleng vek thei,” a ti bawk.

    Zverev chuan Kyrgios fakin, “ATP 500 tourna-ment-a player \ha ber ber pali hneh chuan champion i phu a ni,” a ti.

    No comments

    Post Top Ad

    Post Bottom Ad