• Breaking News

    Kvitova vittu taninah dah luh a ni

    Tennis star Petra Kvitova, Czech Republic rama a chenna ina chemte hmanga bei a, thisen chhuahtu pa pakhat chu kum riat chhung lungin tang turin dah luh a ni ta.

    Kvitova vittu hi Radim Zondra niin, kum 33 mi a ni tawh a. Kum 2016 khan Kvitova hi a inah luh chilhin, an tui lumna siam \ha tur angin a insawi a. Mahse, a hnung lam a\anga Kvitova hi kuah betin, chemte hmangin a bei a, Kavitova hi a talna lamah a kutah na takin zai a ni a. Thla nga chhung lai tennis pawh khel thei lovin a awm zui a ni.

    Zondra chuan Brno-a regional court-ah a chung-thu rel a nih laiin Kvitova hi kut a thlak lo niin a sawi ve tlat a. Amah hi tunah hian thil sual a tih dang avanga tanina tang mek a ni a. A thiam thu sawi mah se Court chuan an awihsak lo va, a thiam lo tih finfiahna nei \ha tawk an inti a, tanina tang turin an ti ta a ni.

    Kum 29-a upa Kvitova hi world number 2 ni mekin, Zondra hi Czech crowns 10,000 a pe tih a sawi a. He pawisa hi Zondra hian rul leh turin an ti bawk a ni.

    No comments

    Post Top Ad

    Post Bottom Ad