• Breaking News

    Kumina Uk artist lar ber Little Simz

    In lo hre leh vek tawh hial ang chu... Keini’n kan hriat hmain \halai tam zawk chuan in lo tuipui hman fe zel tawh a. Chuvangin, in hnena thu thar ziah tur hi thlan uluk a ngai thei \hin.

    Little Simz chuan, “Ka talent hi up beh niin ka hre \hin,” a ti a. “Ka inring zo lo va, ka \ha tawk lo niten ka hre \hin a. Mahse, keimah leh keimah hi chu ka thiltihah hian ka \ha tawk niin ka inhre ve fo thung,” a ti bawk.

    Kum 25-a upa, London rapper hi a hming tak chu Simbi Ajikawo a ni a. UK rapper zinga huam zau leh hap zau ber a ni mek a. Mahse, a \hian leh a rualpuite angin a lar mai thei lo.

    Chhan tam tak a awm thei a, mipa \ha tak tak kara hmeichhe rapper a nih vang a ni mai thei a, chu bakah chuan amah ngeiin a record-te a tihchhuah vang te pawh a ni maithei a, a genre danglam bik vang te pawh a ni maithei a. UK radio-ah hun eng emaw chen chu a hla hi an play-sak duh lo a ni.

    Mahse, tun thla tir khan a album pathumna - Grey Matters chu a tichhuak a, hetah hi chuan thil a danglam zo ta. A hla ri rum rum, bon lutuk mai Offence a\anga lungkuai lam deuh Flowers-te chu a hit em em mai a. A wordplay dang-lam tak chu sap nula leh tlangval ril rem zawng tak a ni ta tlat a ni.

    Radio 1 leh BBC 6 Music-te chuan an playlist-ah an dah a. Kumina hmeichhe artist tihchhuah album zinga rating sang ber a ni mek a. Metacritic-in an rate dangah chuan London mipa rapper Dave-a album - Psychodrama tih lohva rating sang ber a ni mek.

    Little Simz chuan, “Dawt ka sawi peih lo, ka hlim lutuk. Ka album duhtu an tam hian min tihlim takzet a ni,” a ti.

    A lar chho bawk a, Liverpool-a 6 Music Festival-ah pawh tel turin an sawm a. Jay-Z ang maia mi hlawhtling ang hiala chei bawl a ni tawh a ni.

    Little Simz chuan, “He album hi ngaihthlak duh a ni tih chu a chiang tawh a, mahse, stage-ah pawh ka hlawhtlinpui ngei tur a ni tih hi ka ngaihdan a ni,” a ti.

    Album pahnih a neih tawh hnuah he album hmang hian khawvel hriatah a inpho chhuak \ha leh ni-a a inngaih hial thu a sawi a. ‘He album-ah hian thuruk a awm lo va, mi zawng zawng hriat thiam tur a ni,’ a ti.

    A album hlawhtlin nan a naupan laia a \hian, tun thlenga a \hian la ni zel Inflo chu a \angkai hle tih sawiin, ‘A talented takzet a, amah hian rimawi hi a rem khawm zung zung a, awlsam takin rimawi mawi uchuak tak a siam chhuak mai a ni,” a ti.

    No comments

    Post Top Ad

    Post Bottom Ad