• Breaking News

    Kumbh Mela-ah world record

    Kumin January ni 14 a\anga neih \an Kumbh Mela chu March ni 4, Thawh\anni khan zawh fela ni ta a. Prayagraj-a Kumbh Mela neih zawh takah khan  world record pathum lai siam thar a ni.

    Kumbh Mela hmanna hmunah khan Guiness Book of World Records hotute chu kalin, khawvela mipui pungkhawm buaipui-na lian leh ropui ber (lar-gest crowd management), faina leh thianghlimna kawnga inzitirna lian ber (largest sanitation drive) leh mipui vantlang hmuna lem  a huhova ziak kal khawm hnem ber (largest painting exercise of public sites) record thar te an siam a ni.

    Guiness World Re-cords official team pathumte chuan Prayagraj khawpui chu February ni 28 a\anga March ni 3 chhung khan cham chilhin,  an hmuh lai ngeiin mipui vantlang hmuna a huhova lemziahna hautak ber chu a hmunah an en a. He lemziah hunpui record thar siam tur hian February ni 28 khan sorkar chuan bus 503 a tir a, March ni 1 khan lem an ziak a ni.

    Hemi bakah hian faina leh thianghlimna lam inzirtir na leh a taka thawk mi sing chuang an awm bawk niin sorkar laipuia Ministry of Culture chuan thuchhuah siamin an tarlang.

    Kumbh Mela chhung hian India ram leh khawvel hmun hrang hrang a\angin biakzin vaibelchhe 22 aia tam an kal khawm a. Hei hi lui tuia inbual fai (royal bath) nei chin chiah chhin-chhiah an ni a. Chhimtu kal dangte leh mikhual lo buaipuitute nen phei chuan an tam hle dawn a ni.

    No comments

    Post Top Ad

    Post Bottom Ad