• Breaking News

    Kolasib MZP-in DIET sum chetvel dan a dik lo an ti

    MZP Headquarters Kolasib chuan Inrinni khan Kolasib Press Club-ah chanchinbu mite kawmin Kolasib DIET sum chetvel danah thil diklo tam tak a awm nia an hriat thu an sawi.

    Kolasib District MZP President Zosangliana Rokhum chuan RTI hmanga zawhna an siam kum 2013-2018 chhunga In-Service Training neih tawh zat, In-Service atana Fund lut tawh zat, khawi School-te nge lo kal tawh tih leh Attendance Sheet an zawhna department lamin an chhanna ah thil dik lo tam tak a awm niin a sawi a. “Hall an hmanna hmun nia an sawi Diakkawn YMA Hall, |umpui Community Hall leh New Diak-kawn Community Hall enkawltute kan zawhnaah a enkawltute chuan Hall an hman loh thu min hrilh a. Hei mai bakah attendance sheet atanga a lan danin ni khatah mi 1 chu vawi 5 te, vawi 3-te training ang ten a lang a. Hei mai bakah hian Attendance Sheet-ah hian pension tawhte leh boral tawhte hming eng emaw zat a lang bawk a, anmahni bakah an school lo thawh tawhna te pawhin mak an ti hle a ni,” a ti.

    MZP hruaitute chuan, “Training-na sum chungchangah hian Directorate leh Kolasib DIET ten RTI zawhna an chhanna a inang lo bawk a, Directorate lama kan zawhna chuan ‘In-Service tan a hranin sum a awm lo’ an tih laiin Kolasib DIET chuan ‘In-Service training-na atan Rs. 25,27,341/- an dawng’ niin an tarlang thung a. “SCERT leh Kolasib DIET te min chhanna hi a inmil lova, a khawi zawk hi nge rin tur tih hi kan hre lo a ni,” an ti a. “RTI chhanna-ah SCERT hian Kolasib DIET tan 2013-2018 chhung khan fund Rs. 164.05 lakhs an pek thu an tarlang a, amaherawhchu heng sum tam tak hi Kolasib DIET-ah hian a hmanna hriat a nih loh avangin Ni 28 February 2019 khan Directorate of Anti-Corruption Bureau ah MZP Kolasib chuan thil dik lo awm chhuichhuah sak tur leh mawhphurtu lakah dan anga action lak a nih theihnan FIR kan thehlut a ni” an ti bawk.

    MZP chuan “Mi hrang hrang training tawh te leh training mek te bakah Staff te leh Ex-staff te kan kawm kual a, thil felhlel tam tak hmuhchhuah a nih bakah DIET Principal C. Vanlalmawia chu mipat hmeichhiatna (Sexual Harrassment) lamah pawh a fihlim lo hle tih hriain, thudik, \an chhan tur \ha kan hriat hnuah C. Vanlalmawia chu 17th September, 2018 khan kawmin, Kolasib DIET enkawl zui zel tlaka kan ngaihloh avanga midang hriat lohva transfer dil mai turin kan ngen a. Mahse transfer turin hmalakna a neih loh avang leh Kolasib chhuahsan a tum loh thu an hriat avangin 20th September, 2018 khan MZP hruaitute chuan va hmu lehin, a mualpho lo zawng leh a service tichhe lo zawnga hmalak an duh avangin amah hi transfer dil turin an ngen nawn leh a ni” an ti.

    MZP hruaitute chuan ACB-ah FIR kan thehluh hma hian Kolasib DIET-a thil diklo awm hi School Education Minister Lalchhandama Ralte leh Kolasib bialtu MLA K Lalrinliana hnenah thil awmdan hi kan sawipui tawh bawk a, kan hmalakna \ha an tih thu leh a tul anga an lo bawhzui tur thu an sawi ve bawk a ni an ti.

    Hetihlai hian C. Vanlalmawia chuan kan Kolasib chhunga Journalist-te chu message hmang a bia-in “Kan hotute Secretariat lamah ka han hmu a, Insawn pawh ka dil a, min tihsak nghal e. Order a chhuak \ep ang. Secretary leh Minister zinbo vangin tunkarah a chhuak hman lo chauh” a ti.

    No comments

    Post Top Ad

    Post Bottom Ad