• Breaking News

    Kolasib DC leh Press mite inkawm

    Kawnpui Dt. 7th Mar., 2019  : Nimin khan Kolasib DC Pu Zoengsanga, MCS chuan a Office-ah Kolasib District-a thuthar thehdarhtute lengah sawmin, Press mite chu Kolasib in hma a sawn zel theih nan thawhpuiah a sawm.

    Kolasib Bawrhsap Pu Zoengsanga chuan, mahni pianna khua ngeia District Bawrhsap a ni ta chu lawmawm a tih thu leh hetiang dinhmuna a din theih chhan chu Pathian leh ram hruaitute vang a nih thu a sawi a, Kolasib in District dang kan phak lohna kawng hrang hrangah nasa zawka hmasawnna kan neih theih nan hnathawh a tum thu leh chumi atan chuan Press mite theihtawp chhuahpui turin a sawm a ni.

    Pu Zoengsanga chuan, Kolasib chu a bikin zirna leh infiamna lamah kan hnung tawlh nia a hriat thu sawiin, \an lak a ngai hle a ni, a ti a. Competitive Exam-ah kan lang tlem hle a, Kolasib chu tun hmain inkhel thiam tamna khua kan ni \hin a, tunah chuan nasa taka beih a ngai tawh a ni, a ti. DC chuan Kolasib-a Zirna In \ha tak tak kan neih te hi hmun dang aiin an nep chuang lova, chuvang chuan heng kan Zirna Inte hi chhawr \angkai a, chhawrtlak thiamna puakchhuah nana hmang turin Zirlaite a chah a, Competitive Exams uar deuh deuh se a duh thu sawiin, \hangtharte chu theihtawp chhuah turin a sawm a ni.

    Kolasib DC a nih chhungin Kolasib-in pen khat tala hma a sawn theih nan hmalak a tum thu Pu Zoengsanga chuan a sawi a, hemi a thlen theihna tur chuan mipuite finchhuahna leh thlawpna a mamawh thu te, mahni maia tih theih a nih loh thu leh a tul anga thurawn pe thin turin Press mite leh mipuite a sawm bawk.

    Kolasib District MJA President Pu R. Lalhmingthanga chuan MJA member leh Media mi, he huna tel te inhmel hriattirna neih pahin MJA chuan DC thar chungah beiseina sang tak an neih thu a sawi a, a tul phawt chuan inthlahrung lova MJA member te phungbawmah sawm turin DC chu a chah.

    MJA member te chuan DC hnenah hian Kolasib khaw chhunga ATM hman hleih theih loh chungchang te, District Jail tawt lutuk chungchang te leh Election kaihhnawiha mipui hriat tur thil pawimawh puanzar chungchang Local Newspaper-ah Advertisement pek that loh chungchang te an sawi pui a, DC chuan theihtawp chhuahpui a tum thu a sawi a ni.

    DC leh Press mite chuan Kolasib khaw chhung hmun thenkhat, kawngpui sira chawhmeh leh thil dang zuarte bakah kawngpui sira Workshop leh Steel Fabrication dawr awm te chu mipui tan a him loh avangin ngaimawhawm an tih thu sawihovin,  hemi chungchang hi a rang lama hmalak \ha an tih thu an sawiho nghal bawk.

    No comments

    Post Top Ad

    Post Bottom Ad